Afinadağı Izrail' elşiliginiñ aldında ereuil boldı. Foto: WFTU.

Grekiya astanası Afinada palestinalıqtardıñ "Wlı oralu marşına" qoldau körsetu maqsatında Izrail'diñ Afinadağı elşiliginiñ aldında narazılıq şarası wyımdastırıldı.

Afinada twratın palestinalıqtar men türli toptardıñ ündeuimen Afinadağı Izrail' elşiliginiñ aldında jinalğan top, Palestinanıñ tuın wstap, "Qanişer Izrail'!", "Palestinağa azattıq!" degen sındı  wrandar tastadı. Ereuil kezinde palestinalıqtarğa qoldau körsetu maqsatında aytılğan sözdermen Palestina halqınıñ jalğız emes ekenin, osı küresteri arqılı jeñiske jetetindikteri aytıldı.

Palestinalıqtar Jerdi qorğau küniniñ 42 jıldığına oray ötken aptanıñ jwma küninen beri qorşauğa alınğan Gaza sektorınıñ Izrail'men şekaralas aymağında beybit şeru wyımdastıruda. AL Izrail' äskerleri "Sürginge wşırap, quılğan jerlerine oraludı jäne 2006 jılınan beri Gaza sektorındağı zañsızdıqqa (qorşauğa alınuı) nükte qoyıluın"  talap etken beybit halıqqa ot jaudıruda. Narazılıq şarası bastalğan alğaşqı künnen bastap 19 palestinalıq qaza tauıp, 1500 den astam adam jaralanğan.

Al palestinalıqtar beybit şerudi 6 apta boyı wyımdastırudı josparlauda.

“The Qazaq Times”