افينا حالقى پالەستينا ءۇشىن ەرەۋىلگە شىقتى

گرەكيا استاناسى افينادا پالەستينالىقتاردىڭ "ۇلى ورالۋ مارشىنا" قولداۋ كورسەتۋ ماقساتىندا ءيزرايلدىڭ افيناداعى ەلشىلىگىنىڭ الدىندا نارازىلىق شاراسى ۇيىمداستىرىلدى.

افينادا تۇراتىن پالەستينالىقتار مەن ءتۇرلى توپتاردىڭ ۇندەۋىمەن افيناداعى يزرايل ەلشىلىگىنىڭ الدىندا جينالعان توپ، پالەستينانىڭ تۋىن ۇستاپ، "قانىشەر يزرايل!", "پالەستيناعا ازاتتىق!" دەگەن سىندى  ۇراندار تاستادى. ەرەۋىل كەزىندە پالەستينالىقتارعا قولداۋ كورسەتۋ ماقساتىندا ايتىلعان سوزدەرمەن پالەستينا حالقىنىڭ جالعىز ەمەس ەكەنىن، وسى كۇرەستەرى ارقىلى جەڭىسكە جەتەتىندىكتەرى ايتىلدى.

پالەستينالىقتار جەردى قورعاۋ كۇنىنىڭ 42 جىلدىعىنا وراي وتكەن اپتانىڭ جۇما كۇنىنەن بەرى قورشاۋعا الىنعان گازا سەكتورىنىڭ يزرايلمەن شەكارالاس ايماعىندا بەيبىت شەرۋ ۇيىمداستىرۋدا. ال يزرايل اسكەرلەرى "سۇرگىنگە ۇشىراپ، قۋىلعان جەرلەرىنە ورالۋدى جانە 2006 جىلىنان بەرى گازا سەكتورىنداعى زاڭسىزدىققا (قورشاۋعا الىنۋى) نۇكتە قويىلۋىن"  تالاپ ەتكەن بەيبىت حالىققا وت جاۋدىرۋدا. نارازىلىق شاراسى باستالعان العاشقى كۇننەن باستاپ 19 پالەستينالىق قازا تاۋىپ، 1500 دەن استام ادام جارالانعان.

ال پالەستينالىقتار بەيبىت شەرۋدى 6 اپتا بويى ۇيىمداستىرۋدى جوسپارلاۋدا.

“The Qazaq Times”