F-35A. Foto: Vikipediya.

Oñtüstik Koreyanıñ äue küşteri AQŞ-qa tapsırıs bergen F-35A soğıs wşağın tapsırıp aldı. Oñtüstik Koreya resmileriniñ mälimdeuinşe, Koreyanıñ F-35 besinşi wrpaq soğıs wşaqtarına ie boluı naqtı äskeri äleuetin arttırıp qana qoymay, mañızdı simvoldıq mänge de ie boldı. Bwl turalı «Şinlañ» aqparattıq saytı habarladı.

F-35 wşağı – älemdegi eñ ozıq soğıs tehnikasınıñ biri. Atalğan wşaqtıñ 5-şi wrpaq jaña türleri ornınan tik köterilip wşu, äuede aynalu, lezde keri bağıtqa wşu, jedel şabuıldau, t.b. tolıp jatqan mümkindikterge ie. Wşu qarqını jağınan da oğan teñdes soğıs wşaqtarı kemde kem. AQŞ bwl wşaqtarın älemde tek Izrail' men Oñtüstik Koreyağa ğana satıp bergen.

F-35A wşaqtarın ötkizip beru jäne qabıldap alu saltanattı şarasına Oñtüstik Koreyanıñ parlament ökilderi, äue qorğanıs küşteriniñ lauazımdıları jäne Pentagon lauazımdıları qatıstı. AQŞ Qorğanıs ministrliginiñ äskeri qaru-jaraq satu-satıp alu isine jauaptı Ellen Rods sözinde: «F-35 jauıngerlik wşağı Oñtüstik Koreyanıñ äskeri-äue küşteriniñ quatın arttıruğa aytarlıqtay ıqpal etedi. Oğan qosa, eki taraptıñ äskeri saladağı ıntımaqtastığın bekemdey tüsedi», – dedi.

Oñtüstik Koreya äue küşteriniñ mälimdeuinşe, AQŞ-tıñ Oñtüstik Koreyadağı äue küşteri F-35 wşaqtarın paydalanadı. Al, Oñtüstik Koreyanıñ da mwnday tiptegi wşaqtarğa qol jetkizui eki eldiñ birlesken äue operaciyalarınıñ äleuetin arttıra tüsedi. Eki eldiñ äue küşterin twtas jüyege keltiredi.

Oñtüstik Koreyanıñ äue küşteri F-35A wşaqtarın aldımen äskeri jattığuğa paydalanadı. 2019 jılı eldiñ äue küşterine resmi türde paydalanuğa beredi.

“The Qazaq Times”