Ukrainanıñ qwlağan äskeri wşağı. Foto: FB

Resey men Ukraina arasında qaqtığıs aqparattıq soğıspen qatar jürip jatır. Qos tarap bir-biriniñ äskeri şığındarı turalı aqparattardı sät sayın jañartıp, özderiniñ wrıs maydanındağı basımdıqtarın däleldeuge tırısıp jatır.

Wrıs bastalğan alğaşqı künniñ özinde Urkaina Reseydiñ birqatar äskeri tehnikaların, äskerlerin joyıp nemese qolğa tüskenin habarlağan. Mwnday videolar äleumettik jelilerge de tarağan. Resey tarabı da bwğan qarsı aqparat tarattı.

Bügin tañerteñ taratqan Resey Qorğanıs ministrliginiñ resmi mälimetinde Ukraina armiyasınıñ şığının bılay dep körsetken:

  • Äskeri äuejaylar – 11
  • Baylanıs ortalıqtarı men basqaru punktteri – 13
  • Zımıran kompleksteri – 14
  • Radar stanciyası – 36
  • Soğıs wşağı – 5
  • Tik wşaq – 1
  • Wşqışsız wşu qwrılğısı – 5
  • Tank jäne sauıttı kölikterden – 18
  • Atqılauşı reaktivti jüyeden – 7
  • Arnayı äskeri tehnikadan – 41
  • Soğıs qayıqtarınan – 5

Al, bwdan 12 sağat bwrın Ukraina jağınan tarağan keybir mälimetterde Resey armiyasınıñ soğıs şığındarın bılay dep körsetedi:

  • Soğıs wşağınan – 6
  • Tikwşaqtan – 7
  • Tank – 24
  • Sauıttı äskeri tehnikalardan – 22

Wrıs äli de qızu küyde, sondıqtan atalmış mälimetter sağat sayın jañarıp jatır. Degenmen, taraptar bir-biriniñ mälimetteri turalı resmi pikir bildirgen joq.

The Qazaq Times