AQŞ-tıñ Reseydegi bas elşiligi. Foto: AFP.

AQŞ-tıñ reseylik diplomattardı elden şığaru şeşimine Mäskeu tarabı da öz jauabın qaytaruda. Keşe keşte ötkizilgen baspasöz konferenciyasında, Resey SİM basşısı Sergey Lavrov AQŞ-tıñ Peterbordağı bas elşiligi de jabıluı mümkin ekenin ayttı. Sonımen birge, Reseydiñ elden şığaratın amerikalıq diplomattarınıñ sanı AQŞ-tan quılğan reseylik diplomattardıñ sanımen birdey bolatının da atap ötti. Bwl turalı VOA aqparattıq saytı habarladı.

Resey Sırtqı ister ministrliginiñ mälimdemesinde, AQŞ-tıñ Mäskeudegi elşiliginen 58 diplomattı jäne Ekaterinburg qalasındağı konsuldıqtan eki qızmetkerdi elden şığaratını aytılğan. Mäskeu şeşimine säykes bwlar Resey aumağınan 5 säuirge deyin ketip boluı kerek.

Aq üy tarabı Kreml'diñ bwl qadamına pikir bildirip: «Bwl kütilmegen is emes, biraq bwdan Qwrama Ştat emes Reseydiñ özi köbirek zardap şegedi. Resey özin qwrbandıq retinde qaramay, bwl ärekettermen özin aqtap alamın dep oylamauı kerek», – delingen.

Reseydiñ toñteris äreketine baylanıstı AQŞ tarabı uaqıtşa qarsı şaralardı toqtata twruı mümkin degen boljamdar aytıluda.

 “The Qazaq Times”