Foto: Almatı äkimdigi

Almatı äkimi Bauırjan Baybek  qalanıñ barlıq merdigerlik wyımdarınıñ qatısuımen aldağı uaqıtta megapolistiñ köşe-jol jelilerin jöndeu mäselesine qatıstı keñeytilgen  keñes ötkizdi. Almatıda 2018 jılı 157 köşeni jöndeu, sonımen qatar Maqataev, Baytwrsınov jäne Jarokov köşelerindegi wzındığı 15,7 şaqırım bolatın tramvay joldarın demontajdau josparlanğan.

Jiın barısında qalanıñ Jolauşılar köligi jäne  avtomobil' joldarı basqarmasınıñ basşısı Maqswt Isahov barlıq jöndeu jwmıstarınıñ  2018 jıldıñ qaraşa ayında ayaqtalatını jäne 24 köşe bordyurleriniñ tolıq jañaratını,  köşelerdiñ 43 payızınıñ jeke bölikteriniñ qayta jasalatını turalı  habarladı.

Öz kezeginde megapolis äkimi basqarma  jasağan jospardı qatal sınğa alıp, jwmıstıñ naqtılı kestesin jasay otırıp, jobalau  ädisterin qayta qaraudı tapsırdı.

Ol merdigerlerdiñ  birneşe kün boyına asfal'ttı alatın,bordyurlerdi şığaratın jäne asfal't töseudi  wzaqqa sozatın eski ädisterden  tolıq arıluın qadap twrıp ayttı.

Ayta keterligi, qalada bwrınğısınşa dwrıs ornalaspağan twraq qaltaları jetkilikti. Tipti,  keybir uçaskelerde kölik ieleri  avtomobil'derin bwrıştap qoyıp, qozğalıs jelisiniñ ötkizgiş qabiletin tömendetip, apattı jağdayğa wrındıradı. Megapolis basşısı jol jöndegende osı faktordı eskerudi, twraq qaltalarınıñ bergi betterin ğana abattandırudı taprsırdı.

Megapolis äkimi jol jöndeu barısında köşelerdiñ  jabılatın bölikteri turalı twrğındarğa der kezinde habarlau kerektigin de ayttı.

Bauırjan Baybek  keñestiñ jwmısın qorıtındılay kelip, qalanıñ Jolauşılar köligi jäne avtomobil' joldarı basqarmasına bir apta  işinde jospar jasaudı, onda ärbir merdiger  wyımdardıñ qanday jwmıstardı qaşan jäne qalay jürgizetini, naqtılı merzimi körsetilui tiis. Oñtaylandırılğan jwmıs kestesi kelesi keñeste  wsınıluı qajet. Osınday tapsırma qalanıñ  energetika jäne kommunaldı şaruaşılıq basqarmasına da berildi.

“The Qazaq Times”