QR Prezidenti N.Nazarbaev

Bügin Qazaqstan Respublikasınıñ prezidenti N.Nazarbaev halıqqa jıl sayınğı Joldauın arnadı. Joldau auızşa emes, baspasözde jariyalandı. Biz, sonıñ negizgi twstarın nazarlarıñızğa wsınıp otırmız.

... Qımbattı otandastar!

Bolaşağın ayqındap, sın-qaterlerdi kütip otırmastan, oğan tabandı türde qarsı twra alatın halıq qana jeñiske jetedi.

Älemde kezekti, Törtinşi önerkäsiptik revolyuciya bastaldı.

Ekonomikanı jappay cifrlandıru twtas salanıñ joyıluına jäne mülde jaña salanıñ payda boluına alıp keledi. Bizdiñ köz aldımızda bolıp jatqan wlı özgerister – äri tarihi sın-qater, äri Wltqa berilgen mümkindik.

Bügin men Qazaqstandı Üşinşi jañğırtu jöninde mindet qoyıp otırmın. Eldiñ jahandıq bäsekege qabilettiligin qamtamasız etetin ekonomikalıq ösimniñ jaña modelin qwru qajet.

Qazirgi kezde köptegen elder osınday mindetti orındauğa wmtıluda. Ösimniñ jaña modeline köşu täsili är jerde är türli ekenine senimdimin. Biz özimizdiñ mıqtı twstarımızdı paydalanıp, Täuelsizdigimizdiñ 25 jılında birge qalıptastırğan äleuetimizdi joğaltıp almauımız kerek qoy.

Qazaqstannıñ Birinşi jañğıruı bärimizdiñ esimizde. 25 jıl bwrın KSRO-nıñ qirandısınan şığıp, öz jolımızdı qalay bastağanımız jadımızda twr. Sol kezde bizdiñ buın irgetasınan bastap qolğa alıp, älem kartasında bolmağan jaña memleket qwrdı.

Josparlı ekonomikadan narıqtıq ekonomikağa köşu jüzege asırıldı. Bizdiñ bärimiz birlesip, sol kezde elimizdi küyreuge, azamat soğısına, ekonomikalıq küyzeliske wşıratpağanımız men üşin öte mañızdı. Qazaqstan bwl kezeñde az şığın şığarıp, zor jetistikterge qol jetkizdi.

Ekinşi jañğıru «Qazaqstan-2030» strategiyasınıñ qabıldanuımen jäne jaña elorda – Astananıñ salınumen bastaldı. Onıñ nätijeli bolğanı dau tudırmaydı. Elimiz ekonomikalıq twrğıdan artta qalğan aymaqtan şığıp, älemdegi ekonomikası bäsekege qabiletti 50 memlekettiñ qatarına kirdi...

“The Qazaq Times”