Muamar Kaddafidiñ wlı Seyf Äl-Islam Kaddifi

2011 jılı töñkeris kezinde "Liviya halqına qarsı qılmıs jasadı" dep ayıptalğan, alayda 6 jıldan keyin bostandıqqa şığarılğan Seyf Äl-Islam Kaddifi aldağı prezidenttik saylauğa tüspekşi. Ol 34 memlekettik qızmetkermen birge ölim jazasına kesilgen edi. 

Seyf Äl-Islamnıñ esimi Liviyanıñ bwrınğı basşısı Muamar Kaddafidiñ wlı retinde  oqırmanğa köpten belgili. Alayda, kezinde älemdik deñgeydegi asa daulı mäselemen atı şıqqan "tentek wldıñ" bwlayşa prezident tağına degen ümitkerligi köpşilik üşin tosın jañalıq bolıp twr. Seyf Äl-Islamnıñ advokatı Halid Äl-Guveyl Tuniste wyımdastırılğan baspasöz brifinginde onıñ saylauğa qatıstı şeşimin resmi türde habarladı. Seyf Äl-Islam Kaddifidiñ Liviyanı "qwtqarğısı" keletinin aytqan Guveyl: "Seyf Äl-Islam Qaddifi oqşaulanğan, azğındalğan qoğamnan ada, jaña Liviyanı qwruğa bağıttalğan Liviya Wlttıq qwtqaru maydanınıñ atınan ümitkerlikke tüsedi", - dedi.

Ol sonday-aq, Seyf Äl-Islamnıñ saylauda qoldauğa ie bolu üşin Liviyadağı taypalarmen de kezdesetinin ayttı. Qazirgi uaqıtta Liviyada prezidenttik saylau dayındıqtarınıñ bastalıp ketkendigi belgili. Al atalğan mäseleniñ naqtı qalay şeşiletini äzirge belgisiz.

“The Qazaq Times”