Mark Cukerberg bir künde 6 milliard dollarınan ayırıldı – dep habarlaydı Nemis tolqını aqparat agenttigi.

Agenttik mälimetinşe, naurız ayınıñ 19-ı küni Cukerbergke tiesili «Facebook» kompaniyasınıñ qwndı qağazdarı bir künniñ işinde 8 payızğa qwnsızdanğan. Kompaniya akciyalarınıñ qwnsızdanuına wlıbritaniyalıq «Cambridge Analytica» kompaniyasınıñ «Facebook» äleumettik jelisiniñ 50 millionğa juıq qoldanuşılarınıñ jeke aqparattarın paydalanuı sebep bolğan.

Bwğan deyin «Facebook» derekterdi saraptaumen aynalısatın «Cambridge Analytica» kompaniyasın 50 million qoldanuşınıñ jeke aqparattarın wrladı dep ayıptağan. Biraq bwl «Facebook» tarihındağı eñ şulı daulardıñ biri ğana. 2016 jılı Facebook AQŞ prezident saylauı kezinde qazirgi memleket basşısı Donal'd Tramptıñ ştabımen birge jwmıs istegen. Keyinnen BAQ betterinde «Tramp ştabı saylau kezinde Facebook kompaniyasınan alğan aqparattardı paydalanu arqılı öziniñ saylau aldı bağdarlamasın jasağan», - degen aqparat tarağan.

“The Qazaq Times”