Foto: Radio Azattık

Türkimenstan prezidentiniñ wlı kezekti ret parlament saylauına qatısadı– dep habarlaydı ca-portal aqparat közi.

Jergilikti BAQ ökilderiniñ mälimetinşe, Qwrbanğwlı Berdimwhamedovtıñ wlı Serdar Berdimwhamedov 25 naurız küni ötetin parlament saylauına qatısadı. Ol Ahal oblısına qarastı №25 «Duşak» saylau okrugınıñ atınan saylauğa tüspek. Serdardıñ qarsılası Kaka qalasınıñ  twrğını, mektep direktorınıñ orınbasarı Ogüljeren Gürdova bolmaq.

Alda kele jatqan parlament saylauına Türkimenstan tarihında twñğış ret üş partiya qatıspaq. Bwl jolğı saylauğa Berdimwhamedovtıñ «Demokratiyalıq» partiyasınan bölek, «Agrarlar» partiyası men «Önerkäsipşiler jäne käsipkerler» partiyası tüspek. Biraq soñğı ekeui "sayasi quırşaq" rölin atqarmaq.

Serdar Berdimwhamedov. Foto: Radio Azattık.

Qazirgi tañda 36 jastağı Serdar Berdimwhamedov parlament normaları jäne zañ komitetiniñ basşısı qızmetimen qatar Türkimenstan Demokratiyalıq partiyasınıñ deputatı qızmetin de atqaruda. Onı memlekettik BAQ ökilderi «halıqtıñ wlı» dep ataydı. Serdar jöninde bwğan deyin eşqanday aqparat bolmağan. Biraq soñğı jıldarı onıñ eldegi sayasi belsendiligi artqan. Ol 2017 jılı Türkimenstan atınan birneşe ret Resey Federaciyasına resmi is-saparmen barğan. Däl osı jılı Serdardı Qwrbanğwlı Berdimwhamedov äkesi «Mälikğwlı Berdimwhamedov» atındağı «otan aldındağı eñbegi üşin» ordenımen marapattağan. Şeteldik sarapşılardıñ sözinşe, Qwrbanğwlı Berdimwhamedov wlı Serdar Berdimwhamedovtı öziniñ mwrageri etpek.

“The Qazaq Times”