Tramp pen Kim Joñ Un kezdesedi. Foto: WSJ.

Aq üyde beysenbi küni jasağan mälimdemede, prezident Tramptıñ Soltüstik Koreya basşısı Kim Joñ Unnıñ kezdesu turalı jasağan wsınısın qabıldağanı aytıldı. Bwl turalı «WSJ» basılımı habarladı.

AQŞ-qa saparlay barğan Oñtüstik Koreya joğarı lauazımdısı keşe keşte Aq üyde baspasöz mäslihatın ötkizip, AQŞ-tı kelissöz kezdesuine şaqırılğanın jäne Tramptıñ bwl wsınıstı qabıl alğanın ayttı. Ol jäne bwl kezdesudiñ mamır ayınıñ soñına deyin ötkizudi josparlap jatqandarın habarladı.

Oñtüstik Koreya lauazımdıları Aq üyde baspasöz konferenciyasın ötkizdi. Foto: WSJ.

Keyin, Aq üydiñ Baspasöz qızmeti de bwl mälimetti rastağan. Degenmen, kelissözdiñ uaqıtı men ornı turalı anıq mälimet joq.

Osı aptanıñ bas şeninde Soltüstik Koreya basşısı Kim Joñ Unmen (Kim Çen In/Kim Jong  Un) kezdesken Oñtüstik Koreyanıñ Wlttıq qauipsizdik keñesşisi Çon I En de baspasöz konferenciyasına qatıstı. Ol sol küni tüsten bwrın Soltüstik Koreya basşısınıñ hatın Trampqa tapsırıp bergen. Ol sözinde Kim Joñ Un hatında Tramptı kezdesuge şaqırğanın jäne Tramptıñ bwl wsınıstı qabıldağanın estigen amerikalıq şeneunikterdiñ qattı tañ qalğanın aytqan.

Soltüstik Koreya basşısı Oñtüstik Koreyanıñ elşisin qabıldadı. Foto: WSJ.

Mälimetke qarağanda, Aq üy bwğan deyin Soltüstik Koreyağa bağıttalıp kelgen sankciyalar men qısımdardı jalğastıra tüspek. Keminde kelissöz ben onıñ nätijesi belgili bolğanğa deyin sankciyalar toqtatılmaytını aşıq aytqan.

Osıdan keyin Tramp öziniñ «Tvitter» paraqşasında Soltüstik Koreyanıñ ülken özgeriske tüsip jatqanın ayta kelip: «Kim Joñ Un Oñtüstik Koreya delegaciyasımen yadrolıq qarudı joyu turalı äñgimelesken. Bir ğana yadrolıq bağdarlamalardı toqtatu emes, ballistikalıq zımırandar sınağın da toqtatatını turalı aytıptı. Bwl ülken özgeris emes pe?! Biraq qazirgi sankciyalar kelissöz josparlanıp bolğanğa deyin nemese kelisimge qol jetkizgenge deyin saqtaladı», – dep jazdı.

Çon I En de mälimdemesinde, Kim Joñ Unnıñ Korey tübegi mäselesin şeşu üşin yadrolıq bağdarlamalar men ballistikalıq zımırandar sınağın toqtatuğa nietti ekenin rastadı.  

“The Qazaq Times”