Jwmıstan tıs eresek adamdardıñ köbi uaqıtın tiimdi paydalanuğa, poştaların tekseruge, esepşottarın töleuge, azıq-tülik satıp aluğa jäne t.b. isterin bitiruge tırısadı. Biraq adamnıñ özine arnaytın uaqıtı negizgi jwmısı men osı şarualardan artıla ma?

Osı orayda Ekonomikalıq Intımaqtastıq jäne Damu Wyımı 38 eldiñ adamdarınıñ ömirinde jwmıs pen jeke ömiri arasında balans saqtalğan-saqtalmağandığın zerttedi.

Osı ayda jariyalanğan aqparat halıqtardıñ jwmıs kestesi men özderine, jeke şarualarına jäne demaluına qalatın uaqıtın salıstıradı.

Dostarmen kezdesu, hobbi, komp'yuter men teledidar köru demalısqa jatsa, tamaqtanu men wyıqtau jeke şarualarğa jatqızıldı.

EIDW aqparatınşa, qızmetkerlerdiñ 13%-ı mölşerden tıs wzaq jwmıs isteydi. Al küni boyı jwmıs isteytinder özderine 15 sağat böle aladı eken.

Olarğa EIDW müşeleri (35 el) jäne Resey, Braziliya jäne OAR jatadı.

Gollandiyalıqtar men daniyalıqtar birinşi orında twr. Niderlandiya azamattarı jwmıs-ömir balansın saqtauda basqa el azamattarın artta qaldırdı. Mwndağı eñbekke qabiletti halıqtıñ tek 0,5 %-ı ğana aptasına 50 jäne odan köp sağat jwmıs isteydi eken, al qızmetkerler künine 15,9 sağat uaqıtın özderine arnay aladı eken.

EIDW mälimetinşe, eldegi qızmetkerlerdiñ arasında äyelderdiñ sanı (69.9%) erlerge qarağanda (57.5%) köp.

Al Daniyada ata-analar özderiniñ jwmısı men otbasılıq ömirindegi balanstı saqtau üşin janwyalarğa qarjılıq jäne täjiribelik qoldau körsetiledi. Sol sebepti de olar tizimde ekinşi ornalasqan.

1998 jılı ükimet "FlexJob" jobasın engizdi. Bwl joba fizikalıq mümkindikteri şektelgen jandardıñ jwmıs uaqıtın ikemdi etuge jäne olarğa jwmıs tabuğa kömektesti. Sonımen qatar osı joba şeñberinde qızmetkerlerge demalıstan bas tartıp, jwmısın bitirip tastauğa nemese jeñilirek jwmıs aluğa boladı.

Tizimniñ eñ soñında Türkiya jayğastı. Türkiyadağı halıqtıñ 33,8%-ı aptasına mölşerden tım köp jwmıs isteydi eken. Wyqığa, tamaqtanuğa jäne jeke şarualarına jalpı 12,6 sağat qana uaqıt qaladı. Halıqtıñ köpşiligi özderi äreñ tapqan jwmıstarınan ayrılğısı kelmeydi. Sebebi, EIDW mälimetinşe, Eldegi jwmıs küşi men eñbek narığınıñ kölemi öte ülken ekenine qaramastan, Türkiya jwmıspen qamtu deñgeyi boyınşa wyımğa müşe elder arasında eñ tömen körsetkişke ie.

“The Qazaq Times”