جۇمىستان تىس ەرەسەك ادامداردىڭ كوبى ۋاقىتىن ءتيىمدى پايدالانۋعا، پوشتالارىن تەكسەرۋگە، ەسەپشوتتارىن تولەۋگە، ازىق-تۇلىك ساتىپ الۋعا جانە ت.ب. ىستەرىن بىتىرۋگە تىرىسادى. بىراق ادامنىڭ وزىنە ارنايتىن ۋاقىتى نەگىزگى جۇمىسى مەن وسى شارۋالاردان ارتىلا ما؟

وسى ورايدا ەكونوميكالىق ىنتىماقتاستىق جانە دامۋ ۇيىمى 38 ەلدىڭ ادامدارىنىڭ ومىرىندە جۇمىس پەن جەكە ءومىرى اراسىندا بالانس ساقتالعان-ساقتالماعاندىعىن زەرتتەدى.

وسى ايدا جاريالانعان اقپارات حالىقتاردىڭ جۇمىس كەستەسى مەن وزدەرىنە، جەكە شارۋالارىنا جانە دەمالۋىنا قالاتىن ۋاقىتىن سالىستىرادى.

دوستارمەن كەزدەسۋ، حوببي، كومپيۋتەر مەن تەلەديدار كورۋ دەمالىسقا جاتسا، تاماقتانۋ مەن ۇيىقتاۋ جەكە شارۋالارعا جاتقىزىلدى.

ەىدۇ اقپاراتىنشا، قىزمەتكەرلەردىڭ 13%-ى مولشەردەن تىس ۇزاق جۇمىس ىستەيدى. ال كۇنى بويى جۇمىس ىستەيتىندەر وزدەرىنە 15 ساعات بولە الادى ەكەن.

ولارعا ەىدۇ مۇشەلەرى (35 ەل) جانە رەسەي، برازيليا جانە وار جاتادى.

گوللانديالىقتار مەن دانيالىقتار ءبىرىنشى ورىندا تۇر. نيدەرلانديا ازاماتتارى جۇمىس-ءومىر بالانسىن ساقتاۋدا باسقا ەل ازاماتتارىن ارتتا قالدىردى. مۇنداعى ەڭبەككە قابىلەتتى حالىقتىڭ تەك 0,5 %-ى عانا اپتاسىنا 50 جانە ودان كوپ ساعات جۇمىس ىستەيدى ەكەن، ال قىزمەتكەرلەر كۇنىنە 15,9 ساعات ۋاقىتىن وزدەرىنە ارناي الادى ەكەن.

ەىدۇ مالىمەتىنشە، ەلدەگى قىزمەتكەرلەردىڭ اراسىندا ايەلدەردىڭ سانى (69.9%) ەرلەرگە قاراعاندا (57.5%) كوپ.

ال دانيادا اتا-انالار وزدەرىنىڭ جۇمىسى مەن وتباسىلىق ومىرىندەگى بالانستى ساقتاۋ ءۇشىن جانۇيالارعا قارجىلىق جانە تاجىريبەلىك قولداۋ كورسەتىلەدى. سول سەبەپتى دە ولار تىزىمدە ەكىنشى ورنالاسقان.

1998 جىلى ۇكىمەت "FlexJob" جوباسىن ەنگىزدى. بۇل جوبا فيزيكالىق مۇمكىندىكتەرى شەكتەلگەن جانداردىڭ جۇمىس ۋاقىتىن يكەمدى ەتۋگە جانە ولارعا جۇمىس تابۋعا كومەكتەستى. سونىمەن قاتار وسى جوبا شەڭبەرىندە قىزمەتكەرلەرگە دەمالىستان باس تارتىپ، جۇمىسىن ءبىتىرىپ تاستاۋعا نەمەسە جەڭىلىرەك جۇمىس الۋعا بولادى.

ءتىزىمنىڭ ەڭ سوڭىندا تۇركيا جايعاستى. تۇركياداعى حالىقتىڭ 33,8%-ى اپتاسىنا مولشەردەن تىم كوپ جۇمىس ىستەيدى ەكەن. ۇيقىعا، تاماقتانۋعا جانە جەكە شارۋالارىنا جالپى 12,6 ساعات قانا ۋاقىت قالادى. حالىقتىڭ كوپشىلىگى وزدەرى ارەڭ تاپقان جۇمىستارىنان ايرىلعىسى كەلمەيدى. سەبەبى، ەىدۇ مالىمەتىنشە، ەلدەگى جۇمىس كۇشى مەن ەڭبەك نارىعىنىڭ كولەمى وتە ۇلكەن ەكەنىنە قاراماستان، تۇركيا جۇمىسپەن قامتۋ دەڭگەيى بويىنشا ۇيىمعا مۇشە ەلدەر اراسىندا ەڭ تومەن كورسەتكىشكە يە.

“The Qazaq Times”