Foto: SN.kz

Almatı oblısınıñ Qarasay audanı Qaskeleñ kentinde, Talğar audanındağı Twzdıbastau, Beseğaş auıldarın su basu qaupi seyilmey twr. Almatı oblıstıq tötenşe jağdaylar departamentiniñ mälimetine qarağanda su basu qaupine baylanıstıTwzdıbastau auılınıñ 1000 twrğını qauipsiz jerge köşirilgen.

TJD baspasöz qızmetiniñ mälimetinşe, jauın-şaşın men qardıñ erui saldarınan  27 aqpanda tüngi sağat ondar şamasında 50 tekşe metr su jinalıp 250 üydiñ twrğındarı qauipsiz orındarğa jiberilgen.

Ayta keteyik, keşeli beri äleumettik jelilerde  Almatı mañındağı eldimekenderdi su basqanı turalı videolar köbeyip ketti. Videodan sel jüru saldarınan jol qozğalısı qiındap, köptegen üylerdiñ aulasın su basqanın köruge boladı.

Künniñ kürt jılınu saldarınan bwl Qazaqstannıñ kez kelgen öñirinde jılda qaytalanatın jağday. Al jauaptı organdar "su basu saldarın aldın aldıq" degen künniñ özinde, jağdaydı retteu uaqıtınan bwrın qolğa alınbaytını köptiñ aşuın tuğızatını belgili.

“The Qazaq Times”