Boris Nemcov. Foto:DW.

Uaşingtonda reseylik oppoziciyalıq sayasatker Boris Nemcov atındağı alañ aşıldı – dep habarlaydı Nemis tolqını aqparat agenttigi.

Agenttik mälimetinşe, aqpan ayınıñ 27-si küni AQŞ astanasındağı Resey elşiliginiñ aldındağı alañğa oppoziciyalıq sayasatker Boris Nemcovtıñ atın beru räsimi ötken. Räsimge Nemcovtıñ äyeli men qızı, Memlekettik departament ökilderi, qalalıq äkimşilik pen Kongress qızmetkerleri qatısqan. Boris Nemcovtıñ qızı Janna Nemcova şarağa baylanıstı Nemis tolqınına bergen swhbatında: «Resey Boris Nemcov siyaqtı sayasatker jäne memlekettik qayratkermen maqtanuı  tiis. Ol Reseydi damığan, demokratiyalıq el retinde körgisi keldi» - degen.

Eñ alğaş Boris Nemcovtıñ atın şahardağı alañdardıñ birine beru turalı bastamanı 2016 jılı Florida ştatınıñ senatorı Mark Rubio kötergen. Osıdan keyin qalalıq keñestiñ şeşimi boyınşa Uaşingtondağı Resey elşiliginiñ aldındağı alañğa «Boris Nemzov Plaza» atı berilgen.

“The Qazaq Times”