ۋاشينگتوندا بوريس نەمتسوۆ اتىنداعى الاڭ اشىلدى

ۋاشينگتوندا رەسەيلىك وپپوزيتسيالىق ساياساتكەر بوريس نەمتسوۆ اتىنداعى الاڭ اشىلدى – دەپ حابارلايدى نەمىس تولقىنى اقپارات اگەنتتىگى.

اگەنتتىك مالىمەتىنشە، اقپان ايىنىڭ 27-ءسى كۇنى اقش استاناسىنداعى رەسەي ەلشىلىگىنىڭ الدىنداعى الاڭعا وپپوزيتسيالىق ساياساتكەر بوريس نەمتسوۆتىڭ اتىن بەرۋ ءراسىمى وتكەن. راسىمگە نەمتسوۆتىڭ ايەلى مەن قىزى، مەملەكەتتىك دەپارتامەنت وكىلدەرى، قالالىق اكىمشىلىك پەن كونگرەسس قىزمەتكەرلەرى قاتىسقان. بوريس نەمتسوۆتىڭ قىزى جاننا نەمتسوۆا شاراعا بايلانىستى نەمىس تولقىنىنا بەرگەن سۇحباتىندا: «رەسەي بوريس نەمتسوۆ سياقتى ساياساتكەر جانە مەملەكەتتىك قايراتكەرمەن ماقتانۋى  ءتيىس. ول رەسەيدى دامىعان، دەموكراتيالىق ەل رەتىندە كورگىسى كەلدى» - دەگەن.

ەڭ العاش بوريس نەمتسوۆتىڭ اتىن شاھارداعى الاڭداردىڭ بىرىنە بەرۋ تۋرالى باستامانى 2016 جىلى فلوريدا شتاتىنىڭ سەناتورى مارك رۋبيو كوتەرگەن. وسىدان كەيىن قالالىق كەڭەستىڭ شەشىمى بويىنشا ۋاشينگتونداعى رەسەي ەلشىلىگىنىڭ الدىنداعى الاڭعا «Boris Nemzov Plaza» اتى بەرىلگەن.

“The Qazaq Times”