Şi Jinpiñ (soldan birinşi) men Uañ Çişan (oñda birinşi). Foto: The New Yprk Times.

Qıtay biligindegi joğarı lauazımdılar arasında birqatar kadrlıq özgerister bolıp jatqanı belgili. Qıtay ükimetiniñ mañızdı twlğalarınıñ biri  Uañ Çişannıñ (Wang Qishan) sayasi sahnadan qayta boy körsetui äste kezdeysoq jağday emes. Qıtay basşısı Şi Jinpiñ  ol üşin Qıtay jetekşi partiyası işindegi joğarı lauazımdılarınıñ qızmet merzimin öz betinşe özgertken. Bwdan sırt Qıtay basşısı alda bolatın Joğarı Halıqtıñ kongress (Halıqtıq qwrıltay) kezinde öziniñ ökiletti merzimin wzartuı mümkin. Bwl turalı 22 aqpan küni NTDTV  aqparattıq saytı habarladı.

Gonkongtegi Oriental Daily News basılımınıñ habarına qarağanda, Uañ Çişannıñ naqtı qanday mindetke tağayındalatını  aldağı ayda belgili bolatının aytqan. Şeteldik BAQ-tardıñ boljauınşa Uañ Çişan Qıtay basşısınıñ orınbasarı boluı da bek mümkin. Oğan qosa Qıtay-AQŞ qatınasın retteu jäne «Ülken Qıtay» mäselesin ornıqtıru sekildi QHR-nıñ negizgi müddelerine sayatın mindetterdi jüktemek.

Aqpannıñ bas şeninde RFA-nıñ bwl jönindegi habarında: «Uañ Çişan lauazımdı mindetke qayta tağayındaldı, is jüzinde onıñ biligi Qıtaydıñ özge mänsaptılarınan äldeqayda joğarı. Bwnıñ özi Beyjiñ biliginiñ Şi men Uañnıñ uısında twrğanın körsetedi», – delingen.  Bwdan tıs, RFA Uañ Çişannıñ qayta tağayındaluı Şi Jinpiñnıñ şeksiz bilik qwruına bastamaşılıq röl atqardı degen közqaras aytadı.

Degenmen, Uañ Çişannıñ memlekettik basqaru isterinde qayta boy körsetuine baylanıstı Qıtaydıñ işi-sırtındağı aqparat közderi är türli boljam aytadı. Arasında, onıñ mañızdı bilik jürgize alatının joqqa şığaratın közqarastar da bar. Al QHR törağasınıñ ökilettilik merzimin wzartuı turalı şetel sarapşıları: «Bwl Qıtay biliginiñ Şi Jinpiñdi maqsattı türde şeksiz bilik qwruşı retinde körsetip otırğanı», – degen pikir aytadı.

“The Qazaq Times”