AQŞ Süriyanıñ ükimet küşterine soqqı berui mümkin

AQŞ Süriyanıñ ükimet küşterine soqqı berui mümkin. Bwl turalı osı eldiñ BWW-dağı twraqtı ökili Nikki Heyli mälimdedi, dep habarlaydı 24.kz aqparat agenttigi.

Resmi ökildiñ aytuınşa, eger süriyalıq äskerilerdiñ beybit twrğındarğa himiyalıq qaru qoldanğanı däleldense, Uaşington 2017 jıldıñ säuir ayındağıday qadamğa baratın boladı.

Bwdan bwrın, qañtar ayında AQŞ memlekettik departamentiniñ basşısı Reks Tillerson Süriya äskeriniñ Şığıs Gutada himiyalıq qaru qoldanğanı turalı mälimdegen. Biraq Resey onıñ negizsiz ekenin aytıp, ayıptağan. Al AQŞ bastağan odaqtas elder Irak pen Süriyadağı lañkesterge qarsı «Tabandı batıldıq» operaciyası bastalğalı beri äue soqqılarınan 850-ge juıq twrğınnıñ qaza tapqanın rastadı. Tağı 500-ge juıq adamnıñ qazası tekserilip jatır. Ayta ketu kerek, odaqtas elder bwl operaciyanı 2014 jıldıñ tamız ayında bastağan bolatın.

“The Qazaq Times”