Franciya prezidenti Emmanuel' Makronnıñ  (Emmanuel Macron) "En Marche" qozğalısınan keyin Londonda Breksitke qarsı jaña partiya qwrıldı, - dep habarlaydı Euronews  aqparat agenttigi. 

Wlıbritaniya EO-dan şıqqanğa deyin bar bolğanı 13 ay qalsa da, bwl şeşimniñ qarsılastarı mwnı boldırmaudıñ barlıq amalın qarastırıp jatır. Olardıñ oyınşa, Wlıbritaniya EO-dan şıqqan jağdayda, bwl eldiñ ekinşi düniejüzilik soğıstan beri jasağan eñ ülken qateligi bolmaq.

Makronnıñ ötken jılğı "En Marche" qozğalısınan keyin Wlıbritaniyada "The Renew" partiyası qwrıldı. Partiya EO müşeleriniñ qoldauına ie, joğarğı saylau okrugterindegi Breksitti jaqtaytın zañ şığaruşılar qızmetin sınaydı.

Partiyanıñ strategiyasına jauaptı Jeyms Torrens ( James Torrance):"Deputattardı wlttıq müddege nazar audaruğa itermelep, EO jönindegi naqtı kelisimge kelgenge deyin jaqtastardıñ sanın köbeyte alamız degen oydamız", - dedi.

Buhgalter, jurnalist jäne keñesşi negizin qalağan partiya mamır ayında ötetin jergilikti saylauda özderin körsetip, wlttıq deñgeyde ötetin saylauda barlıq 650 orınğa talasatın josparı bar.

2016 jılğı referendumda Wlıbritaniya halqınıñ 51,9 %-ı (17,4 mln adam) EO qwramınan şığuğa qarsı emes ekenin bildirdi. Al qalğan 48,1 %-ı (16,1 mln adam) EO qwramında qalğısı keletin körinedi.

EO-dan şıqqannan keyin Wlıbritaniyanıñ belgili bir jinaqtarın qaytarıp alu turalı kelisimine Bryussel'den rwqsat berilmeui mümkin. Osı oy Wlıbritaniyanıñ EO-dan şığudağı kemşilikteriniñ tizimin tolıqtırıp, Breksit jaqtastarı oyların özgertetin şığar degen ümit bar.

“The Qazaq Times”