Resey Britan sayasatına kilikken boluı mümkin degen mälimdeme ağılşın eliniñ Parlamentinde qızu talqığa mwrındıq boldı. Atalğan mälimdemede, reseylik 9 qaltalı käsipkerdiñ «Breksitti» jaqtağan Konservatorlar partiyasın jäne sayasatkerlerin qarjılandırğanı aytılğan.

Bwnday mälimet eñ aldımen ötken aptada Sunday Times basılımında jazılğan. Basılım aşıq körsetilmegen aqparat közderiniñ mälimetine süyene otırıp jazğan bolatın. Prem'er-ministr Boris Jonson (Djonson)  mälimetti saylaudan bwrın jariyalaudan bas tarttı. Bwl äreketi onıñ sayasi qarsılastarına wnamadı. Olar: «Jonson saylauşılardan bir närseni jasırıp otır», – dep ayıptauda.

Biraq, atalğan maqalada esimderin atağan reseylik käsipkerlerdiñ ekeui BBC-ge bergen swhbatında basılımdı auır sınğa alğan. Özderine tağılğan bwl ayıptı jala jabu retinde bağalağan.

Şın mänisinde, Britan Parlamentindegi Qauipsizdik jäne barlau komiteti 2017 jılı EO-dan şığu turalı referendum kezinde Reseydiñ kiligui taqırıbındağı mälimdemeni birneşe ay boyı dayındağan bolatın. Mälimetter aldağı saylauğa deyin jariyalanadı dep kütilgen, biraq olay bolmadı. Boris Jonson mälimetterdi saylaudan keyin jariya etetinin bildirdi.

Osığan qarap keybir sarapşılar bwl qwjatta saylau nätijesine ıqpal etetin mälimetter boluı mümkin dep boljaydı.

“The Qazaq Times”