فرانتسيا پرەزيدەنتى ەممانۋەل ماكروننىڭ  (Emmanuel Macron) "En Marche" قوزعالىسىنان كەيىن لوندوندا برەكسيتكە قارسى جاڭا پارتيا قۇرىلدى، - دەپ حابارلايدى Euronews  اقپارات اگەنتتىگى. 

ۇلىبريتانيا ەو-دان شىققانعا دەيىن بار بولعانى 13 اي قالسا دا، بۇل شەشىمنىڭ قارسىلاستارى مۇنى بولدىرماۋدىڭ بارلىق امالىن قاراستىرىپ جاتىر. ولاردىڭ ويىنشا، ۇلىبريتانيا ەو-دان شىققان جاعدايدا، بۇل ەلدىڭ ەكىنشى دۇنيەجۇزىلىك سوعىستان بەرى جاساعان ەڭ ۇلكەن قاتەلىگى بولماق.

ماكروننىڭ وتكەن جىلعى "En Marche" قوزعالىسىنان كەيىن ۇلىبريتانيادا "The Renew" پارتياسى قۇرىلدى. پارتيا ەو مۇشەلەرىنىڭ قولداۋىنا يە، جوعارعى سايلاۋ وكرۋگتەرىندەگى برەكسيتتى جاقتايتىن زاڭ شىعارۋشىلار قىزمەتىن سىنايدى.

پارتيانىڭ ستراتەگياسىنا جاۋاپتى جەيمس توررەنس ( James Torrance):"دەپۋتاتتاردى ۇلتتىق مۇددەگە نازار اۋدارۋعا يتەرمەلەپ، ەو جونىندەگى ناقتى كەلىسىمگە كەلگەنگە دەيىن جاقتاستاردىڭ سانىن كوبەيتە الامىز دەگەن ويدامىز", - دەدى.

بۋحگالتەر، جۋرناليست جانە كەڭەسشى نەگىزىن قالاعان پارتيا مامىر ايىندا وتەتىن جەرگىلىكتى سايلاۋدا وزدەرىن كورسەتىپ، ۇلتتىق دەڭگەيدە وتەتىن سايلاۋدا بارلىق 650 ورىنعا تالاساتىن جوسپارى بار.

2016 جىلعى رەفەرەندۋمدا ۇلىبريتانيا حالقىنىڭ 51,9 %-ى (17,4 ملن ادام) ەو قۇرامىنان شىعۋعا قارسى ەمەس ەكەنىن ءبىلدىردى. ال قالعان 48,1 %-ى (16,1 ملن ادام) ەو قۇرامىندا قالعىسى كەلەتىن كورىنەدى.

ەو-دان شىققاننان كەيىن ۇلىبريتانيانىڭ بەلگىلى ءبىر جيناقتارىن قايتارىپ الۋ تۋرالى كەلىسىمىنە بريۋسسەلدەن رۇقسات بەرىلمەۋى مۇمكىن. وسى وي ۇلىبريتانيانىڭ ەو-دان شىعۋداعى كەمشىلىكتەرىنىڭ ءتىزىمىن تولىقتىرىپ، برەكسيت جاقتاستارى ويلارىن وزگەرتەتىن شىعار دەگەن ءۇمىت بار.

“The Qazaq Times”