foto: dw.com

Myunhen Qauipsizdik konferenciyasınıñ ekinşi küni Reseyge qatıstı keybir sankciyalardıñ küşin joyuğa Germaniyanıñ qarsı emestigin körsetti (biraq Resey Ukraina şığısındağı qaqtığıstı BWW kömegimen toqtatqan jağdayda ğana), - dep mälimdedi Euronews aqparat agenttigi.

Bwl mäsele şığıs-europalıq elder qarım-qatınasındağı NATO-nıñ röli turalı swraqtı qayta köterdi.

AQŞ-tıñ NATO-dağı bwrınğı elşisi Nikolas Berns (Nicholas Burns): «Orıstardıñ Qırım, Donbass jäne Gruziyadağı zañsız äreketine qaramastan, NATO Şığıs Europadağı resey biligin wstap otıru üşin öz küşin nığayta ma? Jauap «iä» dep oylaymın.  Bizdiñ Pol'şada jäne 3 Baltıq elinde äskerimiz bar. Meniñ oyımşa, NATO küş biriktirgen. Biz Reseyge qatıstı sankciyalardı alıp tastamauımız kerek» - deydi.

Resey Senatınıñ sırtqı ister komitetiniñ törağası «Reseydi qamtitın ortaq şeşim tabu kerektigin» ayttı.

Konstantin Kosaçev: «Qauipsizdik salasındağı ıntımaqtastıq bloktarğa bölinip qarastırılmau kerek. NATO-nıñ boluı qauipti joymaydı, kerisinşe, olardıñ payda boluına ıqpal etedi. Myunhen Qauipsizdik konferenciyası payda bolğalı beri tek antireseylik sipatta ötip keledi. Ökinişke qaray, olar Batıstıñ barlıq qiındığın Reseyden körgisi keledi», - dedi.

Konferenciya kezindegi şielenisken diplomatiyalıq qarım-qatınas fonında birneşe jüzdegen adam qarusız, beybit ömirge jaqtas ekenderin bildirdi.

“The Qazaq Times”