فوتو: dw.com

ميۋنحەن قاۋىپسىزدىك كونفەرەنتسياسىنىڭ ەكىنشى كۇنى رەسەيگە قاتىستى كەيبىر سانكتسيالاردىڭ كۇشىن جويۋعا گەرمانيانىڭ قارسى ەمەستىگىن كورسەتتى (بىراق رەسەي ۋكراينا شىعىسىنداعى قاقتىعىستى بۇۇ كومەگىمەن توقتاتقان جاعدايدا عانا), - دەپ مالىمدەدى Euronews اقپارات اگەنتتىگى.

بۇل ماسەلە شىعىس-ەۋروپالىق ەلدەر قارىم-قاتىناسىنداعى ناتو-نىڭ ءرولى تۋرالى سۇراقتى قايتا كوتەردى.

اقش-تىڭ ناتو-داعى بۇرىنعى ەلشىسى نيكولاس بەرنس (Nicholas Burns): «ورىستاردىڭ قىرىم، دونباسس جانە گرۋزياداعى زاڭسىز ارەكەتىنە قاراماستان، ناتو شىعىس ەۋروپاداعى رەسەي بيلىگىن ۇستاپ وتىرۋ ءۇشىن ءوز كۇشىن نىعايتا ما؟ جاۋاپ «ءيا» دەپ ويلايمىن.  ءبىزدىڭ پولشادا جانە 3 بالتىق ەلىندە اسكەرىمىز بار. مەنىڭ ويىمشا، ناتو كۇش بىرىكتىرگەن. ءبىز رەسەيگە قاتىستى سانكتسيالاردى الىپ تاستاماۋىمىز كەرەك» - دەيدى.

رەسەي سەناتىنىڭ سىرتقى ىستەر كوميتەتىنىڭ توراعاسى «رەسەيدى قامتيتىن ورتاق شەشىم تابۋ كەرەكتىگىن» ايتتى.

كونستانتين كوساچەۆ: «قاۋىپسىزدىك سالاسىنداعى ىنتىماقتاستىق بلوكتارعا ءبولىنىپ قاراستىرىلماۋ كەرەك. ناتو-نىڭ بولۋى قاۋىپتى جويمايدى، كەرىسىنشە، ولاردىڭ پايدا بولۋىنا ىقپال ەتەدى. ميۋنحەن قاۋىپسىزدىك كونفەرەنتسياسى پايدا بولعالى بەرى تەك انتيرەسەيلىك سيپاتتا ءوتىپ كەلەدى. وكىنىشكە قاراي، ولار باتىستىڭ بارلىق قيىندىعىن رەسەيدەن كورگىسى كەلەدى»، - دەدى.

كونفەرەنتسيا كەزىندەگى شيەلەنىسكەن ديپلوماتيالىق قارىم-قاتىناس فونىندا بىرنەشە جۇزدەگەن ادام قارۋسىز، بەيبىت ومىرگە جاقتاس ەكەندەرىن ءبىلدىردى.

“The Qazaq Times”