Foto: Newsader

AQŞ Qarulı küşteri YouTube jelisine Süriya aumağındağı Resey jaldamalı äskerine jasalğan äue şabuılınıñ videosın jariyaladı.

Beynerolikti aqpan ayınıñ 13-i küni AQŞ äskeri äue küşteriniñ qoğammen baylanıs bölimi jariyalağan. Onda 7 aqpan küni Süriya aumağındağı AQŞ bastağan halıqaralıq äskeri koaliciyanıñ Başar Asad jaqtastarına qarsı ötkizgen operaciyası beynelengen. Atap aytqanda videorolikte AQŞ wşaqtarınıñ birinşi T-72 tankisin, keyinnen «Ural» avtoköligi men birneşe artilleriyalıq qarudıñ közin joyğandığı körsetilgen.

Esteriñizge salayıq, aqpan ayınıñ 7-si küni AQŞ bastağan halıqaralıq koaliciya Başar Asad jaqtastarın bombalağan. Saldarınan Süriya aumağında «Vagner» kompaniyasınıñ atınan soğısıp jürgen 200-ge juıq reseylik jaldamalı sarbaz köz jwmğan bolatın.

“The Qazaq Times”