اقش رەسەي جالدامالى اسكەرىنە جاسالعان اۋە شابۋىلىنىڭ ۆيدەوسىن جاريالادى (ۆيدەو)

اقش قارۋلى كۇشتەرى YouTube جەلىسىنە ءسۇريا اۋماعىنداعى رەسەي جالدامالى اسكەرىنە جاسالعان اۋە شابۋىلىنىڭ ۆيدەوسىن جاريالادى.

بەينەروليكتى اقپان ايىنىڭ 13-ءى كۇنى اقش اسكەري اۋە كۇشتەرىنىڭ قوعاممەن بايلانىس ءبولىمى جاريالاعان. وندا 7 اقپان كۇنى ءسۇريا اۋماعىنداعى اقش باستاعان حالىقارالىق اسكەري كواليتسيانىڭ باشار اساد جاقتاستارىنا قارسى وتكىزگەن وپەراتسياسى بەينەلەنگەن. اتاپ ايتقاندا ۆيدەوروليكتە اقش ۇشاقتارىنىڭ ءبىرىنشى ت-72 تانكىسىن، كەيىننەن «ۋرال» اۆتوكولىگى مەن بىرنەشە ارتيللەريالىق قارۋدىڭ كوزىن جويعاندىعى كورسەتىلگەن.

ەستەرىڭىزگە سالايىق، اقپان ايىنىڭ 7-ءسى كۇنى اقش باستاعان حالىقارالىق كواليتسيا باشار اساد جاقتاستارىن بومبالاعان. سالدارىنان ءسۇريا اۋماعىندا «ۆاگنەر» كومپانياسىنىڭ اتىنان سوعىسىپ جۇرگەن 200-گە جۋىق رەسەيلىك جالدامالى سارباز كوز جۇمعان بولاتىن.

“The Qazaq Times”