Tayuandağı Hualien qalasındağı jer silkinisi saldarınan qaytıs bolğandar sanı 17-ge jetti, - dep habarlaydı Euronews aqparat agenttigi.

Mıñdağan qwtqaru qızmetkerleri 6,5 baldıq jer silkinisinen 50 gradusqa qisayğan 12 qabattı twrğın üydiñ qirağan bölikterin tintip şıqtı.

Bwl soñğı 50 jılda bolğan eñ quattı jer silkinisi boldı.

Qaytıs bolğandardıñ üşeui - turister. Olardıñ deneleri (er adam, äyel adam jäne bala) 12 qabattı twrğın üy qaldıqtarı astınan tabılğan.

Hualien äkimi Fu Kun Çidiñ (Fu Kun-chi) mälimdeuinşe, qwtqaruşılar ğimarattıñ astında qalıp qoyğan eki adamnıñ denesin alıp şığa almağan. Sebebi olardı alıp şığu üşin ğimarattı qwlatu kerek, al ol tağı birneşe adamnıñ ölimine alıp kelui mümkin. Qwtqaru operaciyası qwrbandardıñ tuısqandarı kelisimimen toqtatıldı.

Qaytıs bolğandardıñ jeteui Qıtaydan, beseui Tayuannan, bireui Filippinnen jäne ekeui Kanadadan eken.

Bwdan bölek, 270-ten astam adam türli jaraqat alğan.

“The Qazaq Times”