Qazaqstan äue qorğanıs küşteri. Foto: slid.sina.com.cn

Qazaqstannıñ Su-30SM soğıs wşaqtarımen qarulanğan Äue küşteri – QR Qarulı küşeriniñ eñ aybındısı. Äue şabuılınan qorğanu, äueden şabuıldau, tasımaldau sındı köp türli mümkindikterge ie bwl armiyamız qıtaylıqtardı da tamsandırıp otır. Olar aqparat qwraldarında (slid.sina.con.cn) «aziyalıqtardıñ aybını» degen teñuemen beripti. Özderiniñ «Azattaq armiyasına» teñegen eken.

“Qazaqstan Su-30SM küşteri sol eldiñ eñ tañdaulı qosını. Ol jäne damıtuğa basa nazar audarılıp otırğan äskeri bölim. Olardıñ şabuıldauşı wşaqtarı – eldiñ eñ «süykitileri». Su-30SM-nıñ twrqı Qıtaydıñ Su-30MKK şabuıldauşı wşaqtarına wqsap qaladı. Nağız «aziyalıqtardıñ aybını». Bizdiñ «Azattıq armiyamızdıñ» qosındarına wqsap ketedi”, – dep jazadı "Şinlañ" saytı.

Su-30SM wşaqtarı – Su-30-dıñ soñğı soñğı wrpağı.  Su-30MKI jäne Su -30MKM-ğa negizdelgen, jobalau täjiribesiniñ soñğı nwsqası. Resey äue küşterinde bwnday wşaqtardıñ onnan astamı bar jäne jıl sayın köbeytip keledi. Qazaqstan Qarulı küşteri de osımen jabdıqtalğan.

Su-30MKI joyğış wşaqtarı men Su-30SM wşaqtarı negizinen wqsas, «Qandastıq» qatınastarı bar. Ötken ğasırdıñ 90-şı jıldarında Suhoy konstruktorlıq byurosına qarjı tartıp, damıtu maqsatında, äsirese Ündistan Äue-qorğanıs küşteriniñ qajettiligine oray jasalğan.

Bwl äskeri wşaqtarğa süyir üyrek qanat, eki birdey qozğaltqış ornatılğan. Passivti fazalanğan radarı bar. Su-30MKI-dı damıta otırıp, öndiris tärtibin tiimdi jeñildetilken.

Su-30SM wşaqtarına Reseydiñ «Memlekettik qaru-jaraq bağdarlaması 2011-2020»-nıñ da şarapatı tidi. Jabdıqtar satıp alu josparına säykes, Resey äskeri qaru jaraqtıñ jıl sayın 11% jañartudı josparlağan bolatın. Ol jospar boyınşa, jabdıqtardı jañartudıñ mölşeri 2020 jılğa barğanda 70% boluı kerek.

2008 jıldarı, Resey men Gruziya äue küşteriniñ qarulı qaqtığıstarı kezinde, Su -30MKI / MKM wşaqtarı öz artıqşılıqtarın körsetken bolatın.

“The Qazaq Times”