قازاقستان اۋە قورعانىس كۇشتەرى. فوتو: slid.sina.com.cn

قازاقستاننىڭ سۋ-30SM سوعىس ۇشاقتارىمەن قارۋلانعان اۋە كۇشتەرى – قر قارۋلى كۇشەرىنىڭ ەڭ ايبىندىسى. اۋە شابۋىلىنان قورعانۋ، اۋەدەن شابۋىلداۋ، تاسىمالداۋ سىندى كوپ ءتۇرلى مۇمكىندىكتەرگە يە بۇل ارميامىز قىتايلىقتاردى دا تامساندىرىپ وتىر. ولار اقپارات قۇرالدارىندا (slid.sina.con.cn) «ازيالىقتاردىڭ ايبىنى» دەگەن تەڭۋەمەن بەرىپتى. وزدەرىنىڭ «ازاتتاق ارمياسىنا» تەڭەگەن ەكەن.

“قازاقستان سۋ-30SM كۇشتەرى سول ەلدىڭ ەڭ تاڭداۋلى قوسىنى. ول جانە دامىتۋعا باسا نازار اۋدارىلىپ وتىرعان اسكەري ءبولىم. ولاردىڭ شابۋىلداۋشى ۇشاقتارى – ەلدىڭ ەڭ «سۇيكىتىلەرى». سۋ-30SM-نىڭ تۇرقى قىتايدىڭ سۋ-30MKK شابۋىلداۋشى ۇشاقتارىنا ۇقساپ قالادى. ناعىز «ازيالىقتاردىڭ ايبىنى». ءبىزدىڭ «ازاتتىق ارميامىزدىڭ» قوسىندارىنا ۇقساپ كەتەدى”، – دەپ جازادى "شينلاڭ" سايتى.

سۋ-30SM ۇشاقتارى – سۋ-30-دىڭ سوڭعى سوڭعى ۇرپاعى.  سۋ-30MKI جانە سۋ -30MKM-عا نەگىزدەلگەن، جوبالاۋ تاجىريبەسىنىڭ سوڭعى نۇسقاسى. رەسەي اۋە كۇشتەرىندە بۇنداي ۇشاقتاردىڭ وننان استامى بار جانە جىل سايىن كوبەيتىپ كەلەدى. قازاقستان قارۋلى كۇشتەرى دە وسىمەن جابدىقتالعان.

سۋ-30MKI جويعىش ۇشاقتارى مەن سۋ-30SM ۇشاقتارى نەگىزىنەن ۇقساس، «قانداستىق» قاتىناستارى بار. وتكەن عاسىردىڭ 90-شى جىلدارىندا سۋحوي كونسترۋكتورلىق بيۋروسىنا قارجى تارتىپ، دامىتۋ ماقساتىندا، اسىرەسە ءۇندىستان اۋە-قورعانىس كۇشتەرىنىڭ قاجەتتىلىگىنە وراي جاسالعان.

بۇل اسكەري ۇشاقتارعا ءسۇيىر ۇيرەك قانات، ەكى بىردەي قوزعالتقىش ورناتىلعان. ءپاسسيۆتى فازالانعان رادارى بار. سۋ-30MKI-دى دامىتا وتىرىپ، ءوندىرىس ءتارتىبىن ءتيىمدى جەڭىلدەتىلكەن.

سۋ-30SM ۇشاقتارىنا رەسەيدىڭ «مەملەكەتتىك قارۋ-جاراق باعدارلاماسى 2011-2020»-نىڭ دا شاراپاتى ءتيدى. جابدىقتار ساتىپ الۋ جوسپارىنا سايكەس، رەسەي اسكەري قارۋ جاراقتىڭ جىل سايىن 11% جاڭارتۋدى جوسپارلاعان بولاتىن. ول جوسپار بويىنشا، جابدىقتاردى جاڭارتۋدىڭ مولشەرى 2020 جىلعا بارعاندا 70% بولۋى كەرەك.

2008 جىلدارى، رەسەي مەن گرۋزيا اۋە كۇشتەرىنىڭ قارۋلى قاقتىعىستارى كەزىندە، سۋ -30MKI / MKM ۇشاقتارى ءوز ارتىقشىلىقتارىن كورسەتكەن بولاتىن.

“The Qazaq Times”