foto: Al Jazeera

Türkiyanıñ Sırtqı İster Ministri - Mevlut Çavışoulı (Mevlut Cavusoglu) Al Jazeera - ğa: "Afrin qalasında YPG terroristeri Türkiyağa zımıran laqtırıp, ot jaudırğan. Bwl äreket elimizdiñ qauipsizdigi men şekarasına töngen qauip" degen bolatın.

Batıs pen Şığıstı jalğap twrğan Türkiya Süriyadağı soğıstı qosa alğanda, aymaqtağı kikiljiñder men dağdarıstarda aytarlıqtay mañızdı strategiyalıq röl oynap otır.

20 qañtarda Türkiya Süriyanıñ soltüstik-batısındağı Afrin qalasına "Zäytün bwtağı" operaciyasın aşqan bolatın. Bwl qala siriyalıq kürdterdiñ qorğanıs odağı baqılauında, al Türkiya atalğan odaqtı terroristik wyım sanaydı.

Ministrdiñ aytuınşa, Afrindegi kürdterge jäne olardıñ odaqtastarına birneşe ret eskertu jasalğanına qaramastan, olar şabuıldarın küşeyte tüsken. Sonımen qatar, kürdterdi qaru-jaraqpen qamtamasız etip otırğan AQŞ-tan qaru satudı toqtatudı ötingenmen, memleket mwnı orındamağan körinedi. Alayda jaqında Türkiya men AQŞ prezidentteri telefonmen söyleskende Tramp bwl wyımğa qaru satudı toqtatqanın aytqan.

AQŞ äli de Kürdterdiñ Qorğanıs Odağın (YPG) IGIL-ge qarsı soğısta odaqtastarı sanaytının bildirdi. Osığan baylanıstı Türkiya SİM: "Bwl qosarlı standart dep ataladı. Bizdiñ terrorizmge qarsı soğısımızda qosarlı standarttı barlıq jerden bayqauğa boladı... AQŞ älemdegi barlıq terroristik wyımdarğa qarsı küresedi de, Süriyadağı wyımmen odaqtas boladı" degen bolatın.

Esteriñizge sala keteyik, AQŞ pen Türkiya qarım-qatınası soñğı jıldarı, äsirese, 2016 jıl şildesinde Türkiyadağı memlekettik köterilisten keyin naşarlay bastadı. 2017 jılı AQŞ aumağına türikterge kiru şarttarı kürdelendi, Türkiya da jauap retinde amerikalıqtar üşin däl osınday şaralar qabıldadı.

“The Qazaq Times”