Foto: Al Jazeera

BWW-nıñ mälimdeuinşe, Yemendegi Hauti qozğalısına qarsı küresip jatqan Saud Arabiyası koaliciyası ötken jıldıñ jazınan beri jalğasıp kele jatqan balalar ölimine jauaptı. Bwl koaliciya 2017 jıldıñ şilde men qırküyek ayları aralığındağı 68 balanıñ ölimi men 36 balanıñ jaraqattanuına sebepker bolğan. Keybir mektepter men üylerge koaliciya künde reyd jürgizip otırğanı anıqtaldı. Bwl turalı BWW-nıñ qarulı kikiljiñder men balalar jönindegi Keñesi dayındağan esebinde aytılğan, dep habarlaydı Al Jazeera aqparat agenttigi.

Saud Arabiya basqa da arab halıqtarımen birge Yemenge äskeri küşterin 2015 jılı kirgizgen bolatın. Mwndağı maqsat - Hauti qozğalısı ökilderiniñ 2014 jılı elde ornatqan biligin özderine qaytaru. Al Saud Arabiya koaliciyasınıñ intervenciyalıq äreketteri bombalau, äskeri-teñiz blokadası men Yemenge qwrlıqtağı äskerdi kirgizu bolğan.

Joğarıda atalğan esep boyınşa BWW Hauti qozğalısı da 18 bala ölimine, 29 balanıñ jaraqat aluına jauaptı degen qorıtındığa kelgen.  Sonımen qatar Hauti qozğalısı jäne Yemen Wlttıq Äskeriniñ balalardı soğısqa aralastıru jağdayları da jiilegen.

BWW-nıñ bosqındar basqarmasınıñ jauaptı hatşısı- Şabia Mantu Yemen astanası Sanadan Al Jazeera-ğa bergen swhbatında "Bwl jağday tek balalarğa emes, jalpı halıqtıñ 75 %-na äser etip ülgerdi. Äsirese, äyelder, egde jastağılar, mügedekter jäne balalar  qattı zardap şegude. Osı kikiljiñ ayaqtalmayınşa onıñ saldarı da jalğasa beretini anıq. Sol sebepti bizdiñ qazirgi mindet - halıqqa körsetiletin gumanitarlıq kömektiñ kölemin barınşa wlğaytu", -dedi.

BWW-nıñ balalarğa kömek körsetu basqarmasınıñ esebine süyensek (BWW Balalar qorı), 2015 jıldıñ naurızında kikiljiñ bastalğannan beri künine ortaşa eseppen 5 bala, al jalpı 5 mıñnan astam bala qaytıs bolğan nemese jaraqat alğan.

“The Qazaq Times”