فوتو: Al Jazeerا

بۇۇ-نىڭ مالىمدەۋىنشە، يەمەندەگى حاۋتي قوزعالىسىنا قارسى كۇرەسىپ جاتقان ساۋد ارابياسى كواليتسياسى وتكەن جىلدىڭ جازىنان بەرى جالعاسىپ كەلە جاتقان بالالار ولىمىنە جاۋاپتى. بۇل كواليتسيا 2017 جىلدىڭ شىلدە مەن قىركۇيەك ايلارى ارالىعىنداعى 68 بالانىڭ ءولىمى مەن 36 بالانىڭ جاراقاتتانۋىنا سەبەپكەر بولعان. كەيبىر مەكتەپتەر مەن ۇيلەرگە كواليتسيا كۇندە رەيد جۇرگىزىپ وتىرعانى انىقتالدى. بۇل تۋرالى بۇۇ-نىڭ قارۋلى كيكىلجىڭدەر مەن بالالار جونىندەگى كەڭەسى دايىنداعان ەسەبىندە ايتىلعان، دەپ حابارلايدى Al Jazeerا اقپارات اگەنتتىگى.

ساۋد ارابيا باسقا دا اراب حالىقتارىمەن بىرگە يەمەنگە اسكەري كۇشتەرىن 2015 جىلى كىرگىزگەن بولاتىن. مۇنداعى ماقسات - حاۋتي قوزعالىسى وكىلدەرىنىڭ 2014 جىلى ەلدە ورناتقان بيلىگىن وزدەرىنە قايتارۋ. ال ساۋد ارابيا كواليتسياسىنىڭ ينتەرۆەنتسيالىق ارەكەتتەرى بومبالاۋ، اسكەري-تەڭىز بلوكاداسى مەن يەمەنگە قۇرلىقتاعى اسكەردى كىرگىزۋ بولعان.

جوعارىدا اتالعان ەسەپ بويىنشا بۇۇ حاۋتي قوزعالىسى دا 18 بالا ولىمىنە، 29 بالانىڭ جاراقات الۋىنا جاۋاپتى دەگەن قورىتىندىعا كەلگەن.  سونىمەن قاتار حاۋتي قوزعالىسى جانە يەمەن ۇلتتىق اسكەرىنىڭ بالالاردى سوعىسقا ارالاستىرۋ جاعدايلارى دا جيىلەگەن.

بۇۇ-نىڭ بوسقىندار باسقارماسىنىڭ جاۋاپتى حاتشىسى- شابيا مانتۋ يەمەن استاناسى سانادان Al Jazeerا-عا بەرگەن سۇحباتىندا "بۇل جاعداي تەك بالالارعا ەمەس، جالپى حالىقتىڭ 75 %-نا اسەر ەتىپ ۇلگەردى. اسىرەسە، ايەلدەر، ەگدە جاستاعىلار، مۇگەدەكتەر جانە بالالار  قاتتى زارداپ شەگۋدە. وسى كيكىلجىڭ اياقتالمايىنشا ونىڭ سالدارى دا جالعاسا بەرەتىنى انىق. سول سەبەپتى ءبىزدىڭ قازىرگى مىندەت - حالىققا كورسەتىلەتىن گۋمانيتارلىق كومەكتىڭ كولەمىن بارىنشا ۇلعايتۋ", -دەدى.

بۇۇ-نىڭ بالالارعا كومەك كورسەتۋ باسقارماسىنىڭ ەسەبىنە سۇيەنسەك (بۇۇ بالالار قورى), 2015 جىلدىڭ ناۋرىزىندا كيكىلجىڭ باستالعاننان بەرى كۇنىنە ورتاشا ەسەپپەن 5 بالا، ال جالپى 5 مىڭنان استام بالا قايتىس بولعان نەمەسە جاراقات العان.

“The Qazaq Times”