Qıtay men Resey basşıları. Foto: Washington Times.

AQŞ-tıñ memlekettik hatşısı Reks Tillerson Latın Amerikasına jasaytın saparınan bwrın, beysenbi küni jasağan mälimdemesinde, Qıtay men Reseydi Latın Amerikasındağı jaña imperalistik derjavalar dep ayıptadı. Bwl turalı «WSJ» basılımı habarladı.

Reks Tillerson atalğan pikirdi Tehas universitetiniñ (University of Texas) studentterimen kezdesken kezinde aytqan. Ol sözinde: «Latın Amerikası tek öz halqınıñ ğana müddesin közdeytin jaña imperalistik derjavalarğa mwqtaj emes», – degen. Sözinde Qıtaydıñ ädiletsiz sauda äreketterin alğa tarta otırıp, köbirek sınğa aldı.

Tillersonnıñ aytuınşa, Qıtaydıñ kömegine qol jetkizu üşin qaşanda aqı töleuge tura keledi, ädette bwl aqı Qıtaydıñ memleket basqaratın käsiporındarınıñ investiciyasın qabıldaumen esepteledi. Olardıñ investiciyasımen birge qıtaylıq jwmıs küşin de qabıldau kerek. Onıñ sırtında, auır nesie men borıştarı tağı bar.

Tillerson Qıtaydıñ sauda modeli köbinese öz ekonomikasın tamaqtandıruğa jäne resurstardı aludı közdep,  jergilikti zañdar men adam qwqıqtarın eleusiz qaldıratının qaday ayttı. Ol jäne Qıtaydıñ qazirgi kezde Argentina, Braziliya, Çili, Peru elderiniñ eñ iri sauda äriptesi ekenin de alğa tarttı. Kezekti Latın Amerika saparında Tillerson Meksika, YAmayka, Kolumbiya, Argentina jäne Peru elderine baradı.

Qwrama Ştat memleket hatşısınıñ sözine qarağanda, Qıtaydıñ ädiletsiz sauda äreketteri saudanı aytarlıqtay jedeldetkenimen, sol elderdegi öñdeu önerkäsibine ziyan keltirip, jwmıssızdardıñ sanın köbeytip, jalaqını arzandatıp jibergen.

Reseydi de qatañ sınğa alğan Tillerson, Mäskeudiñ älemge ıqpalın küşeyte tüsudi közdep otırğanın eskertti. Ol jäne Reseydiñ demokratiyalıq qwndılıqtardı qwrmettemegenin, oğan qosa qaru-jaraqtardı beyresmi rejimderge qaru jaraq satqanın ayıptadı.

The Wall Street Journal basılımınıñ aytuınşa,  Resey men Qıtay şeneunikteri Tillersonnıñ sözi jöninde pikir bildiruden bas tartqan.

 “The Qazaq Times”