Bayden äkimşiligi ükimet qwramın endi ğana jasaqtap, qızmetke jañadan kirisip jatır. Soğan qaramastan Uşington öziniñ dästürli minezin tanıtıp,  eñ aldımen Europalıq odaqtastarımen qısqa-nwsqa söylesip, kelisimderdi pısıqtap şığa saldı da, birden Ündi-Tınıq mwhitı aymağındağı (ÜTMA) odaqtastarın Qıtaydıñ sın-qaterine qarsı jwmıldıruğa kiristi. Baydenniñ bas diplomatı bolıp Entoni Blinken bekitile salısımen Japoniya jäne Oñtüstki Koreya SİM basşılarına qoñırau şaldı.

AQŞ-tıñ daña memlekettik hatşısı men Japoniya sırtqı ister uäziri (ministri) Toşimitsu Motegige Tınıq mwhittıñ batıs jağalauınıñ aşıqtığın, twraqtılığın, ornıqtılığı jäne beybitşiligin qorğau üşin ortaq jwmıs isteuge uädelesti. Al, Oñtüstik Koreyanıñ sırtqı ister ministri Kan Kın-Vağa qoñırau şalğanda AQŞ-Koreya qatınası öñir twraqtılığınıñ bastı kepili ekenin aytıptı.

Blinken aymaqtağı odaqtastarınıñ SİM basşılarımen söylesip jatqanda, yağni, 26 qañtarda Pentagonnıñ jaña basşısı Ostin Australiyanıñ qornğanıs ministri Lindi Reynol'ds hanımğa qoñırau şaldı. Pentagonnıñ mälimdemesinde eki qorğanıs ministri Ündi-Tınıq mwhitı aymağındağı qauipsizdik sın-qaterlerine ortaq jauap beruge dayın.

Ministr Ostin bwğan deyin Japoniya men Oñtüstik Koreyanıñ qorğanıs ministrimen telefon arqılı söylesip, AQŞ-tıñ Japoniya men Oñtüstik Koreya arasındağı senimdi odaqtastıq qatınastardı tağı bir ret rastağan.

Bayden de Europalıq odaqtastarınan tartıp, Qıtaydıñ şığısındağı odaqtastarınıñ jetekşilerine qoñırau şalıp, odaqtastarımen sırtqı sayasattağı keybir ortaq wstanımdardı pısıqtağan. Bwl äreketterden Bayden ükimetiniñ Qıtayğa qanday aşıq poziciya wstanudı äli de jiti talqılap jatqanın bayqauğa boladı. Ärine, qazirgidey qayşılıqtı kezde Qıtaymen qanday qarım-qatınas türin tañdau Bayden biligi üşin oñay bolmaydı.

Qıtay lideri Şi Jinpiñ (Si Czin'pin) «Davos kün tärtibi» Düniejüzilik ekonomikalıq forumı kezinde AQŞ-tıñ bwrınğı Tramp äkimşiligin Qıtayğa qarsı «halıqaralıq tosqauıl wyımdastırdı» dep sınğa alıp, äri mwnday äreket älemdi bölinu men qaqtığısqa alıp keletinin aytqan bolatın.

Aq üy baspasöz ökili bir kün bwrın jurnalisterge bergen jauabında «eñ jaqsı ädil – odaqtastarımen birge jwmıs isteu» ekenin, äri Beyjiñniñ mwnday poziciyası Bayden biliginiñ Qıtayğa bağıttağan strategiyasın özgerte almaytının aytqan.

“The Qazaq Times”