Foto: akorda.kz

Jaña 2018 jıldıñ bastalğanına bir aydan astam uaqıt ötti. Osı uaqıt aralığında Nwrswltan Nazarbaev bir ğana resmi is-sapar jasadı. Ol 16 qañtar küni Uaşingtonda AQŞ prezidenti Donal'd Tramppen kezdesti. Atalmış is-sapardı aytpağan, jazbağan, talqılamağan gazet, jurnal, telearna, sayt qalmadı. Biraq bügin biz Nwrswltan Nazarbaevtıñ bwl is-saparı jöninde emes, bıltırğı jılğı jwmıs josparı jöninde söz qozğaytın bolamız. Ötken jılı Nazarbaev işki jäne sırtqı sayasatta kimdermen jii kezdesti? İşki sayasatta qay vedomstva basşısın jii qabıldadı? 

2017 jılı 77 jasqa kelgen Nwrswltan Nazarbaev öziniñ jwmıs josparımen jas buındı tañ qaldırdı. Ol öziniñ tığız jwmıs grafigimen äli de bolsa kez kelgen jas sayasatkerdi on oraytının körsetti. Bwğan Aqordanıñ resmi saytın paraqtap körseñiz öziñiz de köz jetkizesiz.

Aqorda resmi saytındağı mälimetterge süyenetin bolsaq, bıltır Nwrswltan Nazarbaev jıl boyına bas-ayağı 20 resmi is-sapar jasağan. Onıñ 9-ı şetelge, 11-i el işine jasalğan resmi is-saparlar. 2017 jılı Nwrswltan Nazarbaev sırtqı sayasatta basımdıqtı bwrınğısınşa Reseyge bergen. Ol ötken jılı Vladimir Putinmen bes ret kezdesip, 11 ret telefon arqılı söylesip, soltüstiktegi körşimizge 2 ret resmi is-saparmen barğan. Sırtqı sayasatta Reseyden keyingi orında Ortalıq Aziya elderi twr. Bwl bağıtta Nwrswltan Nazarbaev aymaqtağı özge eldermen salıstırğanda Özbekstanğa köbirek köñil bölgen. Ol Özbekstan prezidenti Şavkat Mirzieevpen üş ret kezdesip, bes ret telefon arqılı söylesip, bir ret resmi is-saparmen barğan.

Nwrswltan Nazarbaevtıñ 2017 jılğı kezdesuleri :

Al el işine keletin bolsaq, 2017 jılı Nwrswltan Nazarbaev Atırau, Batıs Qazaqstan, Pavlodar jäne Soltüstik Qazaqstan oblıstarınan özgesiniñ barlığına barğan. Bwdan bölek Aqordada türli vedomstva basşıları men oblıs äkimderin birneşe märte qabıldağan. Olardıñ işinde WQK basşısı Kärim Mäsimov, İİM Qalmwhamet Qasımov jäne Qorğanıs ministri Säken Jaswzaqov prezident qabıldauında köp bolğan. Bwl resmi Aqordanıñ negizgi nazarı küştik qwrılımdarda degenge meñzeydi.

“The Qazaq Times”