Foto: AP

Amnesty International qwqıq qorğau wyımınıñ Türkiyadağı böliminiñ basşısı Taner Kılış abaqtıdan bosatıldı. Ol 2017 jıldıñ mausım ayında "Türkiyada bolğan memlekettik töñkeris jasauğa talpınıs oqiğasına qatısı bar" degen küdikpen qamauğa alınğan bolatın. Amnesty International wyımınıñ ağa keñesşisi Endryu Gardner bwl oqiğanı adam qwqıqtarı üşin kürestiñ ataulı jeñisi dep atadı. Bwl turalı Äl-Jazira aqparattıq agenttigi jazdı. 

Taner Kılıştıñ bostandığı üşin segiz ay boyı küresken jaqındarı men Amnesty International qwqıq qorğau wyımı arı qaray da memlekettik töñkeris oqiğasınan keyin qudalanıp, türmege jabılğan özge azamattardı azat etu üşin küres jürgizudi jalğastıra beretinderin habarladı. Bilik ökilderi qoğam belsendisi Fethullah Gyulen men onıñ jaqtastarı qoldanatın ByLock şifrlanğan baylanıs qwralın paydalanğanın aytadı. Degenmen Taner Kılış bwl mälimdemeni joqqa şığardı.

Endryu Gardner biliktiñ mwnday "negizsiz ayıptardı" Tanerdiñ qwqıq qorğau wyımınıñ belsendisi bolğanı üşin ğana wsınıp otırğanın aytadı. Taner Kılışqa şet memleketke şığuğa tıyım salındı jäne onıñ isi osı jıldıñ mausım ayında qayta qaraladı.

 “The Qazaq Times”