Foto: Reuters

Gonkongta pil süyegin saudalauğa tıyım salındı. Ükimet jarlığı birtindep orındalıp, 2021 jıldan  bastap atalğan sauda türi tolıqtay toqtatıladı dep kütilip otır. Berilgen şara pilderdi qorğau maqsatında qolğa alınğan. Bwl turalı Äl-Jazira aqparattıq agenttigi jazdı. 

Bükilälemdik jabayı tabiğat qorınıñ köşbasşısı Margaret Kinnayrd Gonkong äkimşiliginiñ şeşimin quana qabıl alğanın aytadı. "Gonkong - pil süyegin saudağa şığaratın negizgi narıqtardıñ biri. Onıñ Qıtaydıñ izimen qabıldap otırğan şeşimi pilderdi qorğauğa ülken üles qosadı", - dedi ol.

Atalğan şeşim Qıtayda 2018 jıldıñ 1 qañtarınan bastap küşine engen pil süyeginiñ üy jağdayında saudalanuına tosqauıl qoyatın zañnıñ soñın ala jariyalandı. Jabayı flora men faunanıñ joyılıp ketu qaupi bar ökilderiniñ Halıqaralıq saudası turalı Konvenciyağa säykes, pil süyegin satuğa 1989 jıldan bastap tıyım salınğan.

Qıtay Afrikadan keletin pil süyeginiñ eñ ülken narığı bolğan. Halıqaralıq wyımdardıñ qısımımen atalğan zañ küşine endi. Degenmen sarapşılar bwl öndiristiñ toqtauın qamtamasız ete almaytının aytadı. "Käsipkerler tauardı zañdarı qatal emes V'etnam nemese Laosqa barıp, alıp kele aladı", -deydi olar.

“The Qazaq Times”