Resmi Aqorda Nwrswltan Nazarbaevtıñ sözin külkige aynaldırğan Belarus' Sırtqı ister ministrligine jauap berdi.

Qañtar ayınıñ 22-si küni Qazaqstan Sırtqı ister ministriniñ orınbasarı Erjan Aşıqbaev jurnalister aldında Minsk kelissözderine qatıstı pikir bildirgen. Onda ol: «Ukrainadağı jağdaylardı retteude Minsk kelissözderiniñ alatın ornı erekşe. Biz bwğan eşqanday kümän keltirmeymiz jäne atalmış kelissözderge aralasıp otırğan joqpız. Biraq Qazaqstan qay uaqıtta bolsın mäseleniñ tüyinin şeşuge qol wşın sozuğa dayın. Eger müddeli taraptar  kikiljiñdi şeşude Qazaqstannan kömek swrasa, biz atalmış ötinişti tiisti joldar boyınşa qaraymız» - degen.

Esteriñizge salayıq, bwğan deyin 19 qañtar küni Belarus' Sırtqı ister ministri Vladimir Makey: «Ukrainadağı jağdaylardı retteuge baylanıstı kelissözderdi Minskiden Astanağa auıstıru mäseleni şeşpeydi. Biz özgelermen salıstırğanda bitimgerler lavrınıñ artınan jügirip jürgen joqpız» - dep mälimdegen.

Resmi Minskiniñ atalmış mälimdemesi Nwrswltan Nazarbaevtıñ AQŞ-qa saparınan keyin bir künnen soñ jasalğan. Minskiniñ bwnday mälimdeme jasauına Nazarbaevtıñ Uaşingtonğa resmi is-saparı kezindegi «Ukraina mäselesin şeşude Minsk kelissözderi tığırıqqa tireldi» degen sözi sebep bolğan.

“The Qazaq Times”