Wlıbritaniyada Jalğızdıq jönindegi ministrlik qwrıldı. El ükimeti jalğızdıq nemese jalğız bastı qarttardıñ mäselesi memlekettik twrğıda köñil böletin is ekenin moyındap, bwl mäselege arnayı ministr tağayındadı. Bwl turalı BBC onlayn qızmeti habarladı.

Bwl mäseleni alğaş kötergen Eñbekşilder partiyasınıñ deputatı, wltşıldar jağınan qastandıqpen öltirilgen Jo Koks bolatın. Ükimet atalğan mäseleni osığan deyin Sport jäne azamattıq ister ministriniñ orınbasarı Treysi Krauşqa tapsırdı. Mäseleniñ özektiligin, onıñ el bolaşağına ülken ıqpalı bolatının eldiñ prem'er-ministri Tereza Mey de rastağan.

Wlıbritaniyanıñ  2017 jılı şığarğan mälimetinde jalğızdıqtan tuatın jabırqau auıruınıñ adam densaulığına tigizetin ıqpalı bir künde 15 tal temeki tartqanmen birdey dep körsetilgen. Qazir Angliyada 75 jastan joğarı 2 mln adam jalğız ömir süredi.

Jalğızdıqtan zardap şekken angliyalıqtıñ biri Kamar Kureşidiñ aytuınşa: «Men jas künimde balalarımdı tärbieleu üşin özimniñ biznesimdi satıp jiberdim. Olar erjetti, biraq qazir olardan köri mağan orta jasımda mektep pen sport zalda volonter bolğanım köbirek kömektesip jatır», – degen. Bwl qazir köptegen Batıs elderinde şeşudi qajet etetin problemağa aynalıp keledi.

“The Qazaq Times”