ۇلىبريتانيادا جالعىزدىق جونىندە مينيسترلىك قۇرىلدى

ۇلىبريتانيادا جالعىزدىق جونىندەگى مينيسترلىك قۇرىلدى. ەل ۇكىمەتى جالعىزدىق نەمەسە جالعىز باستى قارتتاردىڭ ماسەلەسى مەملەكەتتىك تۇرعىدا كوڭىل بولەتىن ءىس ەكەنىن مويىنداپ، بۇل ماسەلەگە ارنايى مينيستر تاعايىندادى. بۇل تۋرالى BBC ونلاين قىزمەتى حابارلادى.

بۇل ماسەلەنى العاش كوتەرگەن ەڭبەكشىلدەر پارتياسىنىڭ دەپۋتاتى، ۇلتشىلدار جاعىنان قاستاندىقپەن ولتىرىلگەن جو كوكس بولاتىن. ۇكىمەت اتالعان ماسەلەنى وسىعان دەيىن سپورت جانە ازاماتتىق ىستەر ءمينيسترىنىڭ ورىنباسارى ترەيسي كراۋشقا تاپسىردى. ماسەلەنىڭ وزەكتىلىگىن، ونىڭ ەل بولاشاعىنا ۇلكەن ىقپالى بولاتىنىن ەلدىڭ پرەمەر-ءمينيسترى تەرەزا مەي دە راستاعان.

ۇلىبريتانيانىڭ  2017 جىلى شىعارعان مالىمەتىندە جالعىزدىقتان تۋاتىن جابىرقاۋ اۋىرۋىنىڭ ادام دەنساۋلىعىنا تيگىزەتىن ىقپالى ءبىر كۇندە 15 تال تەمەكى تارتقانمەن بىردەي دەپ كورسەتىلگەن. قازىر انگليادا 75 جاستان جوعارى 2 ملن ادام جالعىز ءومىر سۇرەدى.

جالعىزدىقتان زارداپ شەككەن انگليالىقتىڭ ءبىرى كامار كۋرەشيدىڭ ايتۋىنشا: «مەن جاس كۇنىمدە بالالارىمدى تاربيەلەۋ ءۇشىن ءوزىمنىڭ بيزنەسىمدى ساتىپ جىبەردىم. ولار ەرجەتتى، بىراق قازىر ولاردان كورى ماعان ورتا جاسىمدا مەكتەپ پەن سپورت زالدا ۆولونتەر بولعانىم كوبىرەك كومەكتەسىپ جاتىر»، – دەگەن. بۇل قازىر كوپتەگەن باتىس ەلدەرىندە شەشۋدى قاجەت ەتەتىن پروبلەماعا اينالىپ كەلەدى.

“The Qazaq Times”