Foto: time.kz

Wlttıq Bank bazalıq mölşerlemeni 9,75%-ğa deyin tömendetu turalı şeşim qabıldadı. Bwdan bwrınğı mölşerleme 10,25% deñgeyinde bolğan. Bwl turalı banktiñ baspasöz qızmeti habarladı. 

Bank taratqan habarlamağa säykes, bazalıq mölşerlemeni tömendetu turalı
şeşim 2017 jıldıñ qorıtındısı boyınşa inflyaciya deñgeyiniñ boljanğan
deñgeymen salıstırğanda aytarlıqtay tömen naqtı deñgeyine, inflyaciyalıq
procester odan äri bayaulaydı degen bağalarğa, işki swranıstıñ älsiz qalpına keluiniñ saqtaluına, sonday-aq sırtqı narıqtardağı ürdisterdiñ qolaylı boluına baylanıstı qabıldanğan.

"Jıldıq inflyaciya 2017 jılğı jeltoqsanda 7,1% qwradı, bwl biz kütken 7,5-7,7%-dan aytarlıqtay tömen. Inflyaciyanıñ bayaulauı jekelegen tauarlar men qızmetter narığındağı, atap aytqanda azıq-tülikke jatpaytın tauarlar narıqtarındağı bağalarınıñ twraqtanuına baylanıstı", - delingen baspasöz habarlamasında.

Sonday-aq, teñgeniñ ayırbastau bağamınıñ tömen qwbılmalılığı da jıldıq inflyaciyanıñ bayaulauına ıqpal etken.

Bwdan bölek, Qlttıq bank halıq arasında bağanıñ ösuine qatıstı saual jürgizgen. Saualnama nätijeleri boyınşa bağalar soñğı 12 ayda bwrınğığa qarağanda jıldamıraq östi dep sanaytındardıñ ülesi 2016 jılğı jeltoqsandağı 59,8%-dan 2017 jılğı jeltoqsanda 52,1%-ğa deyin tömendegen.

Bazalıq mölşerleme boyınşa kezekti şeşim 2018 jılğı 5 naurızda Astana uaqıtımen sağat 17:00-de jariyalanadı.

“The Qazaq Times”