ۇلتتىق بانك بازالىق مولشەرلەمەنى 9,75%-عا دەيىن تومەندەتۋ تۋرالى شەشىم قابىلدادى. بۇدان بۇرىنعى مولشەرلەمە 10,25% دەڭگەيىندە بولعان. بۇل تۋرالى بانكتىڭ ءباسپاسوز قىزمەتى حابارلادى.
بانك تاراتقان حابارلاماعا سايكەس، بازالىق مولشەرلەمەنى تومەندەتۋ تۋرالى
شەشىم 2017 جىلدىڭ قورىتىندىسى بويىنشا ينفلياتسيا دەڭگەيىنىڭ بولجانعان
دەڭگەيمەن سالىستىرعاندا ايتارلىقتاي تومەن ناقتى دەڭگەيىنە، ينفلياتسيالىق
پروتسەستەر ودان ءارى باياۋلايدى دەگەن باعالارعا، ىشكى سۇرانىستىڭ ءالسىز قالپىنا كەلۋىنىڭ ساقتالۋىنا، سونداي-اق سىرتقى نارىقتارداعى ۇردىستەردىڭ قولايلى بولۋىنا بايلانىستى قابىلدانعان.
"جىلدىق ينفلياتسيا 2017 جىلعى جەلتوقساندا 7,1% قۇرادى، بۇل ءبىز كۇتكەن 7,5-7,7%-دان ايتارلىقتاي تومەن. ينفلياتسيانىڭ باياۋلاۋى جەكەلەگەن تاۋارلار مەن قىزمەتتەر نارىعىنداعى، اتاپ ايتقاندا ازىق-تۇلىككە جاتپايتىن تاۋارلار نارىقتارىنداعى باعالارىنىڭ تۇراقتانۋىنا بايلانىستى", - دەلىنگەن ءباسپاسوز حابارلاماسىندا.
سونداي-اق، تەڭگەنىڭ ايىرباستاۋ باعامىنىڭ تومەن قۇبىلمالىلىعى دا جىلدىق ينفلياتسيانىڭ باياۋلاۋىنا ىقپال ەتكەن.
بۇدان بولەك، قلتتىق بانك حالىق اراسىندا باعانىڭ وسۋىنە قاتىستى ساۋال جۇرگىزگەن. ساۋالناما ناتيجەلەرى بويىنشا باعالار سوڭعى 12 ايدا بۇرىنعىعا قاراعاندا جىلدامىراق ءوستى دەپ سانايتىنداردىڭ ۇلەسى 2016 جىلعى جەلتوقسانداعى 59,8%-دان 2017 جىلعى جەلتوقساندا 52,1%-عا دەيىن تومەندەگەن.
بازالىق مولشەرلەمە بويىنشا كەزەكتى شەشىم 2018 جىلعى 5 ناۋرىزدا استانا ۋاقىتىمەن ساعات 17:00-دە جاريالانادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى