Foto: lichnyjcredit.ru

Bügin Wlttıq Bank ökilderi  kollektorlıq agenttikterdiñ jäne qoğamdıq wyım ökilderimen kezdesip, olardı borışkerlermen jwmıs isteuge rwqsat etiletin uaqıt turalı habardar etti. Bwl turalı bas banktiñ baspasöz qızmeti habarladı. 

"Kollektorlıq qızmet turalı" zañ boyınşa kollektorlar borışkerlerge jwmıs küni ğana habarlasıp, bir kün işinde sağat 08.00 – 21.00 aralığındağı kezeñde telefonmen söylesu 3 retten köp bolmau kerek. Borışkerlerdi aptasına 3 retten artıq kezdesuge şaqıra almaydı äri bir kün işinde sağat 08.00 – 21.00 aralığındağı kezeñde kezdesu bir retten köp bolmauı tiis.

Bwdan bölek özara is-qimıl jasau uaqıtın borışker tañdaydı. Mereke jäne demalıs künderi kez kelgen jeke baylanıs jasauğa tıyım salınadı.

Sonday-aq, QRWB Qarjılıq qızmetterdi twtınuşılardıñ qwqıqtarın qorğau jäne sırtqı kommunikaciyalar basqarmasınıñ bastığı Aleksandr Terent'ev kollektorlıq agenttikterdiñ josıqsız dep tanılatın jäne tiisinşe tıyım salınğan is-äreketterin atap ötti.

Terent'evtiñ sözinşe,  kollektorlar:
1) borışkermen jäne (nemese) onıñ ökilimen jäne (nemese) üşinşi twlğamen özara is-qimıl jasaudıñ Kollektorlıq qızmet turalı zañda közdelmegen özge täsilderin paydalanu;
2) borışkerdiñ jäne onıñ ökiliniñ arına, abıroyına jäne iskerlik bedeline
nwqsan keltiretin mälimetterdi taratu ne olarğa müliktik ziyan keltiretin mälimetterdi jariya etu;
3) borışkerdiñ jäne onıñ ökiliniñ qwqıqtarı men bostandıqtarına aralasatın, olardıñ ömiri men densaulığına qauip keltiretin, sonday-aq olarğa müliktik jäne özge de ziyan keltiruge äkeletin zañsız is-äreketter jasau;
4) qauip-qater arqılı qısım körsetu, küş qoldanu ne borışkerdiñ jäne (nemese)
onıñ ökiliniñ jäne (nemese) üşinşi twlğalardıñ mülkin joyu nemese büldiru, til tigizu, alayaqtıq jasau, jalğan qwjat jasau, bopsalau, borışkerdi banktik qarız şartı nemese mikrokredit beru turalı şart boyınşa mindettemelerdi orındauğa mäjbürleu;
5) borışkerdi, onıñ ökilin bereşektiñ mölşerine, sipatına jäne tuındau
negizdemelerine qatıstı jañılıstıru;
6) bereşekti öteu esebine aqşa (qolma-qol nemese qolma-qol jasalmaytın
nısanda), sonday-aq özge de mülikti qabıldau;
8) bereşekti aqşadan basqa, özge de mülikpen öteuin talap etu;
9) Qazaqstan Respublikasınıñ zañdarında közdelgen jağdaylardı qospağanda, kreditordan jäne (nemese) onıñ ökilinen, jäne (nemese) üşinşi twlğalardan alınğan, Qazaqstan Respublikasınıñ zañdarımen saqtalatın qwpiyanı jariya etu sındı zañsız äreketterge jol beredi eken.

Osılayşa, Wlttıq Bank kollektorlıq agenttik ökilderine
"zañnamanıñ talaptarın bwzu saldarı, sonday-aq kollektordıñ is-äreketterinen qılmıstıq jazalauğa jatatın äreketter anıqtalğan jağdayda qwqıq qorğau organdarına mälimetterdi beretini" turalı eskertti.

“The Qazaq Times”