زاڭ بويىنشا كوللەكتورلار بورىشكەرگە 3 رەتتەن ارتىق حابارلاسپاۋى ءتيىس

بۇگىن ۇلتتىق بانك وكىلدەرى  كوللەكتورلىق اگەنتتىكتەردىڭ جانە قوعامدىق ۇيىم وكىلدەرىمەن كەزدەسىپ، ولاردى بورىشكەرلەرمەن جۇمىس ىستەۋگە رۇقسات ەتىلەتىن ۋاقىت تۋرالى حاباردار ەتتى. بۇل تۋرالى باس بانكتىڭ ءباسپاسوز قىزمەتى حابارلادى. 

"كوللەكتورلىق قىزمەت تۋرالى" زاڭ بويىنشا كوللەكتورلار بورىشكەرلەرگە جۇمىس كۇنى عانا حابارلاسىپ، ءبىر كۇن ىشىندە ساعات 08.00 – 21.00 ارالىعىنداعى كەزەڭدە تەلەفونمەن سويلەسۋ 3 رەتتەن كوپ بولماۋ كەرەك. بورىشكەرلەردى اپتاسىنا 3 رەتتەن ارتىق كەزدەسۋگە شاقىرا المايدى ءارى ءبىر كۇن ىشىندە ساعات 08.00 – 21.00 ارالىعىنداعى كەزەڭدە كەزدەسۋ بىر رەتتەن كوپ بولماۋى ءتيىس.

بۇدان بولەك وزارا ءىس-قيمىل جاساۋ ۋاقىتىن بورىشكەر تاڭدايدى. مەرەكە جانە دەمالىس كۇندەرى كەز كەلگەن جەكە بايلانىس جاساۋعا تىيىم سالىنادى.

سونداي-اق، قرۇب قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسىنىڭ باستىعى الەكساندر تەرەنتەۆ كوللەكتورلىق اگەنتتىكتەردىڭ جوسىقسىز دەپ تانىلاتىن جانە تيىسىنشە تىيىم سالىنعان ءىس-ارەكەتتەرىن اتاپ ءوتتى.

تەرەنتەۆتىڭ سوزىنشە،  كوللەكتورلار:
1) بورىشكەرمەن جانە (نەمەسە) ونىڭ وكىلىمەن جانە (نەمەسە) ءۇشىنشى تۇلعامەن ءوزارا ءىس-قيمىل جاساۋدىڭ كوللەكتورلىق قىزمەت تۋرالى زاڭدا كوزدەلمەگەن وزگە تاسىلدەرىن پايدالانۋ;
2) بورىشكەردىڭ جانە ونىڭ وكىلىنىڭ ارىنا، ابىرويىنا جانە ىسكەرلىك بەدەلىنە
نۇقسان كەلتىرەتىن مالىمەتتەردى تاراتۋ نە ولارعا مۇلىكتىك زيان كەلتىرەتىن مالىمەتتەردى جاريا ەتۋ;
3) بورىشكەردىڭ جانە ونىڭ وكىلىنىڭ قۇقىقتارى مەن بوستاندىقتارىنا ارالاساتىن، ولاردىڭ ءومىرى مەن دەنساۋلىعىنا قاۋىپ كەلتىرەتىن، سونداي-اق ولارعا مۇلىكتىك جانە وزگە دە زيان كەلتىرۋگە اكەلەتىن زاڭسىز ءىس-ارەكەتتەر جاساۋ;
4) قاۋىپ-قاتەر ارقىلى قىسىم كورسەتۋ، كۇش قولدانۋ نە بورىشكەردىڭ جانە (نەمەسە)
ونىڭ وكىلىنىڭ جانە (نەمەسە) ءۇشىنشى تۇلعالاردىڭ مۇلكىن جويۋ نەمەسە ءبۇلدىرۋ، ءتىل تيگىزۋ، الاياقتىق جاساۋ، جالعان قۇجات جاساۋ، بوپسالاۋ، بورىشكەردى بانكتىك قارىز شارتى نەمەسە ميكروكرەديت بەرۋ تۋرالى شارت بويىنشا مىندەتتەمەلەردى ورىنداۋعا ماجبۇرلەۋ;
5) بورىشكەردى، ونىڭ وكىلىن بەرەشەكتىڭ مولشەرىنە، سيپاتىنا جانە تۋىنداۋ
نەگىزدەمەلەرىنە قاتىستى جاڭىلىستىرۋ;
6) بەرەشەكتى وتەۋ ەسەبىنە اقشا (قولما-قول نەمەسە قولما-قول جاسالمايتىن
نىساندا), سونداي-اق وزگە دە مۇلىكتى قابىلداۋ;
8) بەرەشەكتى اقشادان باسقا، وزگە دە مۇلىكپەن وتەۋىن تالاپ ەتۋ;
9) قازاقستان رەسپۋبليكاسىنىڭ زاڭدارىندا كوزدەلگەن جاعدايلاردى قوسپاعاندا، كرەديتوردان جانە (نەمەسە) ونىڭ وكىلىنەن، جانە (نەمەسە) ءۇشىنشى تۇلعالاردان الىنعان، قازاقستان رەسپۋبليكاسىنىڭ زاڭدارىمەن ساقتالاتىن قۇپيانى جاريا ەتۋ سىندى زاڭسىز ارەكەتتەرگە جول بەرەدى ەكەن.

وسىلايشا، ۇلتتىق بانك كوللەكتورلىق اگەنتتىك وكىلدەرىنە
"زاڭنامانىڭ تالاپتارىن بۇزۋ سالدارى، سونداي-اق كوللەكتوردىڭ ءىس-ارەكەتتەرىنەن قىلمىستىق جازالاۋعا جاتاتىن ارەكەتتەر انىقتالعان جاعدايدا قۇقىق قورعاۋ ورگاندارىنا مالىمەتتەردى بەرەتىنى" تۋرالى ەسكەرتتى.

“The Qazaq Times”