Irandağı dürbeleñ kezindegi belsendi studentter. Foto: The Times of Israel.

Iran prezidenti Hasan Ruhani keşe jasağan mälimdemesinde, eldegi barlıq halıqtıñ ükimetti sınğa alu qwqığınıñ bar ekenin aytıp, qamauğa alınğan studentterdi bosatu kerek degen şeşimin jariyaladı. Osıdan bwrın bilik ökilderiniñ biri bir studenttiñ qamauda özine qol salğanın habarlağan edi. Bwl turalı Irannıñ «Tasnim» aqparat agenttigi habarlağan bolatın.

Hasan Ruhani mälimdemesinde Iran jwrtşılığın ereuilge bastağan bir ğana ekonomikalıq sebep emes ekenin alğa tarttı. Ol ereuilşilerdiñ äleumettik jäne sayasi talaptarın da qarastıratının ayttı. «Bir ğana bağa mäselesi ereuil tudırdı deu irandıqtarğa qiyanat bolar. Olardıñ sayasi jäne äleumettik jäne sayasi talaptarına ünsiz qala almaymız», – dedi Ruhani.

Irandağı ereuil kezinde 20-dan astam adam qaza bolıp, mıñğa juıq adam twtqındalğan. Üş kün bwrın 22 jastağı bir student qamauğa alınğannan keyin özine qol salğan.

“The Qazaq Times”