يرانداعى دۇربەلەڭ كەزىندەگى بەلسەندى ستۋدەنتتەر. فوتو: The Times of Israel.

يران پرەزيدەنتى حاسان رۋحاني كەشە جاساعان مالىمدەمەسىندە، ەلدەگى بارلىق حالىقتىڭ ۇكىمەتتى سىنعا الۋ قۇقىعىنىڭ بار ەكەنىن ايتىپ، قاماۋعا الىنعان ستۋدەنتتەردى بوساتۋ كەرەك دەگەن شەشىمىن جاريالادى. وسىدان بۇرىن بيلىك وكىلدەرىنىڭ ءبىرى ءبىر ستۋدەنتتىڭ قاماۋدا وزىنە قول سالعانىن حابارلاعان ەدى. بۇل تۋرالى يراننىڭ «تاسنيم» اقپارات اگەنتتىگى حابارلاعان بولاتىن.

حاسان رۋحاني مالىمدەمەسىندە يران جۇرتشىلىعىن ەرەۋىلگە باستاعان ءبىر عانا ەكونوميكالىق سەبەپ ەمەس ەكەنىن العا تارتتى. ول ەرەۋىلشىلەردىڭ الەۋمەتتىك جانە ساياسي تالاپتارىن دا قاراستىراتىنىن ايتتى. «ءبىر عانا باعا ماسەلەسى ەرەۋىل تۋدىردى دەۋ يراندىقتارعا قيانات بولار. ولاردىڭ ساياسي جانە الەۋمەتتىك جانە ساياسي تالاپتارىنا ءۇنسىز قالا المايمىز»، – دەدى رۋحاني.

يرانداعى ەرەۋىل كەزىندە 20-دان استام ادام قازا بولىپ، مىڭعا جۋىق ادام تۇتقىندالعان. ءۇش كۇن بۇرىن 22 جاستاعى ءبىر ستۋدەنت قاماۋعا الىنعاننان كەيىن وزىنە قول سالعان.

“The Qazaq Times”