Qazaqstanda 12 bağıt boyınşa äue reysteri subsidiyalanatın boldı

Qazaqstanda halıqtıñ Astana men öñirler arasındağı äue qatınasına, öñirler arasındağı baylanısqa, sonday-aq, 2018 jılı turistik nısandardıñ qoljetimdigine degen swranısın qanağattandıru maqsatında 12 bağıt boyınşa äue reysteri subsidiyalanadı. Bwl turalı Azamattıq aviaciya komitetiniñ feysbuktegi resmi paraqşasında habarlandı. 

Sonımen subsidiyalanatın bağıttar mınalar:
1) Qarağandı – Qızılorda – Qarağandı, 18 000 tenge tarifimen kem degende aptasına 1 ret;
2) Öskemen – Qarağandı, 20 000 teñge tarifimen kem degende aptasına 2 ret;
3) Kökşetau – Aqtau, 20 000 teñge tarifimen kem degende aptasına 2 ret;
4) Almatı – Kökşetau,  18 000 teñge tarifimen kem degende aptasına 2 ret;
5) Almatı – Petropavl,  20 000 teñge tarifimen kem degende aptasına 2 ret;
6) Astana – Taldıqorğan; 24 500 teñge tarifimen kem degende aptasına 7 ret;
7) Petropavl– Şımkent, 20 000 teñge tarifimen kem degende aptasına 1 ret;
8/ Astana – Petropavl, 14 300 teñge tarifimen kem degende aptasına 1 ret;
9) Astana – Üşaral (Alaköl köli) 20 000 teñge tarifimen kem degende aptasına 2 ret;
10) Almatı – Balqaş, 14 000 teñge tarifimen kem degende aptasına 1 ret
(6 ay);
11) Astana – Ürjar (Alaköl köli), 19 500 teñge tarifimen kem degende aptasına 1 ret (6 ay);
12) Almatı – Ürjar (Alaköl köli.), 16 000 teñge tarifimen kem degende aptasına 1 ret (6 ay).

Komitet mälimdegendey, mwndağı barlıq tarifter tek bir bağıtqa wşu üşin körsetilgen.

"Reysterdi subsidiyalau bağdarlaması 2002 jıldan beri jwmıs istep keledi jäne osı kezeñderde 10-nan astam äue bağıtı kommerciyalıq negizge köşirildi. Qazirgi uaqıtta bağdarlamanıñ negizgi basımdıqtarınıñ biri Qazaqstandağı turistik bağıttardı damıtu", - delingen baspasöz habarlamasında.

“The Qazaq Times”