Foto: körneki suret

QR Investiciyalar jäne Damu ministrligi Azamattıq aviaciya Komiteti äue kemesinde ereje bwzğan jolauşılarğa qanday şaralar qoldanılatının jariyaladı.

Atalğan mekemeniñ habarlauınşa, wşaq tasımalınıñ qızatın uaqıtı tayap keledi: köptegen azamattar demalısqa şığıp, jolauşılar tasımalı eselenbek. «Keyde äue kemesinde wşaq erejelerine bağınbaytın jolauşılar tabılıp jatadı. Onday twlğalardıñ is-äreketteri wşu qauipsizdigine keri äser etui mümkin. Sonımen qatar, olar özge de jolauşılar men ekipaj müşeleriniñ ömiri men densaulıqtarına qauip töndiredi», - dep mälimdegen Komitet qanday şaralar engizilenin de jariyaladı.

Komitettiñ habarlauınşa, wşaq äuege köteriler kezde jäne qonar aldında jolauşılarğa wşaq işinde orındarınan twruğa, jüruge tiım salınğan. Endi osı erejeni bwzğan jolauşılarğa üş aylıq eseptik körsetkiş köleminde ($22) ayıppwl salınadı. Al äue kemesinde şılım şekken jolauşılarğa 200 AEK (aylıq-eseptik körsetkiş) köleminde ayıppwl ($1480) salınadı nemese 15 künge deyin äkimşilik twtqınğa alınadı.

Ekipaj müşeleri men özge de jolauşılardıñ ömirine, densaulığına qauip töndiretin nemese olardıñ ar-namısına tietin jağdaylar tuındatqan jolauşılarğa da däl osınday ayıppwl salınbaq.

Sonımen qatar, wşaq işinde özge twlğalarğa til tiizip, küş körsetken jolauşılarğa 10 AEK ($74) ayıppwl salınıp nemese 10 täulikke äkimşilik qamauğa alınadı.

Wşaqtağı mülikke qasaqana zalal keltiru jäne (nemese) onı äue kemesinen alıp ketuge tırısu äreketterine, sonday-aq wşqış kabinasına kiruge tırısu äreketterine 200 AEK ayıppwl nemese 15 täulikke äkimşilik twtqınğa alınadı», - dep habarlaydı Komitet.

“The Qazaq Times”