قازاقستاندا 12 باعىت بويىنشا اۋە رەيستەرى سۋبسيديالاناتىن بولدى

قازاقستاندا حالىقتىڭ استانا مەن وڭىرلەر اراسىنداعى اۋە قاتىناسىنا، وڭىرلەر اراسىنداعى بايلانىسقا، سونداي-اق، 2018 جىلى تۋريستىك نىسانداردىڭ قولجەتىمدىگىنە دەگەن سۇرانىسىن قاناعاتتاندىرۋ ماقساتىندا 12 باعىت بويىنشا اۋە رەيستەرى سۋبسيديالانادى. بۇل تۋرالى ازاماتتىق اۆياتسيا كوميتەتىنىڭ فەيسبۋكتەگى رەسمي پاراقشاسىندا حابارلاندى. 

سونىمەن سۋبسيديالاناتىن باعىتتار مىنالار:
1) قاراعاندى – قىزىلوردا – قاراعاندى، 18 000 تەنگە تاريفىمەن كەم دەگەندە اپتاسىنا 1 رەت;
2) وسكەمەن – قاراعاندى، 20 000 تەڭگە تاريفىمەن كەم دەگەندە اپتاسىنا 2 رەت;
3) كوكشەتاۋ – اقتاۋ، 20 000 تەڭگە تاريفىمەن كەم دەگەندە اپتاسىنا 2 رەت;
4) الماتى – كوكشەتاۋ،  18 000 تەڭگە تاريفىمەن كەم دەگەندە اپتاسىنا 2 رەت;
5) الماتى – پەتروپاۆل،  20 000 تەڭگە تاريفىمەن كەم دەگەندە اپتاسىنا 2 رەت;
6) استانا – تالدىقورعان; 24 500 تەڭگە تاريفىمەن كەم دەگەندە اپتاسىنا 7 رەت;
7) پەتروپاۆل– شىمكەنت، 20 000 تەڭگە تاريفىمەن كەم دەگەندە اپتاسىنا 1 رەت;
8/ استانا – پەتروپاۆل، 14 300 تەڭگە تاريفىمەن كەم دەگەندە اپتاسىنا 1 رەت;
9) استانا – ءۇشارال (الاكول كولى) 20 000 تەڭگە تاريفىمەن كەم دەگەندە اپتاسىنا 2 رەت;
10) الماتى – بالقاش، 14 000 تەڭگە تاريفىمەن كەم دەگەندە اپتاسىنا 1 رەت
(6 اي);
11) استانا – ءۇرجار (الاكول كولى), 19 500 تەڭگە تاريفىمەن كەم دەگەندە اپتاسىنا 1 رەت (6 اي);
12) الماتى – ءۇرجار (الاكول كولى.), 16 000 تەڭگە تاريفىمەن كەم دەگەندە اپتاسىنا 1 رەت (6 اي).

كوميتەت مالىمدەگەندەي، مۇنداعى بارلىق تاريفتەر تەك ءبىر باعىتقا ۇشۋ ءۇشىن كورسەتىلگەن.

"رەيستەردى سۋبسيديالاۋ باعدارلاماسى 2002 جىلدان بەرى جۇمىس ىستەپ كەلەدى جانە وسى كەزەڭدەردە 10-نان استام اۋە باعىتى كوممەرتسيالىق نەگىزگە كوشىرىلدى. قازىرگى ۋاقىتتا باعدارلامانىڭ نەگىزگى باسىمدىقتارىنىڭ ءبىرى قازاقستانداعى تۋريستىك باعىتتاردى دامىتۋ", - دەلىنگەن ءباسپاسوز حابارلاماسىندا.

“The Qazaq Times”