Foto: The Times

Pol'şa, Vengriya men Çehiya biılğı jıl Bryussel'men ülken qaqtığıstar jılı boladı degen boljam jasadı. Atalğan üş memleket 2015 jılı odaq müşeleriniñ bosqındardı arnayı bölingen kvota boyınşa qabıldauın talap etetin şeşimge qarsı şıqqanı üşin Europa Sotına baradı. Bwl turalı VVS aqparattıq agenttigi jazdı. 

Pol'şanıñ Prem'er-ministri Mateuş Moraveckiydiñ aytuınşa, Euroodaqqa müşe memleketter öz eline kimdi kirgizu kerektigi jönindegi şeşimdi jeke qabıldauı kerek. Ol qazan ayında Austriyada ötken saylau nätijesinde Euroodaqtıñ bosqındar kvotasına qarsı taraptıñ jeñiske jetkenin alğa tartıp: "Europa - demokratiyalıq qwrlıq. Bosqındar migraciyasına qarsı halıq qana saylauda  däl osı şeşimdi qoldaytın bilik ökilderin tañdaydı", - dedi. Mateuş Moraveckiy Avstriyanıñ jaña kancleri Sebast'yan Kurctıñ jeñisi el azamattarınıñ kvota mäselesine qarsı ekenin körsetetinin osılay jetkizdi.

20 jeltoqsan küni Europa Komissiyası Pol'şanıñ jemqorlıq pen kommunistik jüyeniñ elesinen arıla almay kele jatqan zañ jüyesin reformalau turalı şeşimi sot qwzırettiligin şekteydi degen ayıppen Varşavağa qarsı is bastadı. Euroodaqtıñ barlıq müşeleri birauızdan qoldağan jağdayda, Euroodaq Pol'şanı odaq köleminde dauıs beru qwqığınan ayıruı mümkin. Biraq Budapeşt mwnday jağdayda öziniñ veto qwqığın paydalanıp, Pol'şanı qorğaytının mälimdedi. Osıdan bwrın Vengriyanıñ Prem'er-ministri Viktor Orban: "Pol'şağa şabuıl jasağan adam, bükil Ortalıq Europağa qarsı boladı", - degen bolatın.

“The Qazaq Times”