2017 jıldıñ ökildik cifrları. Foto: VideoBlocks.

2017 jıldıñ eleuli oqiğaların BBC san-cifrlarmen beyneleydi:

37993

Qañtar men jeltoqsan aralığında AQŞ bastağan halıqaralıq koaliciya Süriya men Irak jerine qaratıp 37 mıñ 993 dana bomba atılğan. Bwl elderdegi terrorlıq toptarğa Reseyde auıq-auıq äue şabuılın jasap twrdı. Alayda olar, şabuıldarınıñ sanı turalı mälimet bermedi. Şabuıldardan ölgender sanı turalı tekseruler äli de jalğasuda. Dese de AQŞ basqarğan halıqaralıq koaliciya men Resey qarulı küşteriniñ şabuıldarınan keyin Irak pen Süriya jerindegi «Islam memleketi» sodırlar tobı küyregenine köz jwma almaymız.

127

Indoneziyadağı janartaulardıñ atıluı biıl bir jıl işinde 127-ge jetti. Bwl älemniñ barlıq jerindegi janartaularmen salıstırğanda da öte köp.

1700 000

«Tvitterde» 1 mln 700 mıñ qoldanuşı #MeToo heştegin qoldana otırıp, jınıstıq qudalau jäne zorlıqqa qarsı twratının bildirgen. Bwl şarağa älemniñ 85 elinen äyelder qatısqan.

812 futbol alañı

Antarktidadağı mwzdı taulardan asa zor kölemdi mwz bölinip şıqtı. Bwl osı jıldağı ğalamdıq jılınudıñ eñ bir körnekti nätijesi retinde bağalandı. Äri, onıñ kölemi 812 futbol alañına teñ bolğandıqtan, 12 älem çempionatın bir uaqıtta ötkizuge boladı dep sipattaldı.

44 temeki

Ündistannıñ bas qalası Jaña-Delidegi qaraşada bolğan auanıñ lastanuı älemdegi eñ joğarı şekke jetti. Mamandar sol küngi auanıñ lastanuı adam densaulığına tınıs aluğa mümkin emes ekenin, bir rette 44 temekini art-artınan şekkenmen birdey ziyan bolatının aytqan. Älemdegi auası lastanğan aldınğı 20 alıp şahardıñ 10-ı Ündistanda.

1600 payız

2017 jılı bitkoinderge swranıs 1600 payızğa deyin artıp, jeltoqsan ayında 20 mıñ dollarlıq şekke deyin jetti.

60 mln olimpiadalıq basseyn

Tamızdağı Harvi dauılı 150 trillion litr sudı teñizden AQŞ jerine şığardı. Agenttikterdiñ esebinşe mwnday kölemdegi suğa 60 mln olimpiada kölşigin toltıruğa boladı eken.

17 «tanımal ölim»

Batıs elderiniñ BAQ-ı körsetkendey, biılğı jılı köz jwmğan älemge tanımal adamdar sanı bıltırğıdan köbirek. Olardıñ mälimetinşe biıl älemge tanımal 17 adam qaza tapqan. Aytalıq, Playboy jurnalınıñ negizin qalauşı H'yu Marston Hefner, amerikalıq komik Djerri L'yuis, milliarder Devid Rokfeller, muzıkant Tom Petti, pianist Fetsom Domino qatarlılar bar.

“The Qazaq Times”